ҮНДЭСНИЙ АУДИТЫН ГАЗРЫН 2015 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ НИЙЦЛИЙН АУДИТЫН ЯВЦЫН ТАЛААР

Тус газар “УИХ-ын Байнгын Хорооноос Засгийн газарт өгсөн үүрэг даалгавруудын хэрэгжилт”, “Газрын тосны хуулийн хэрэгжилт, төлбөр тооцооны байдал”, “МҮОНРТ-ийн 2012-2014 оны улсын төсвөөс олгосон хөрөнгийн зарцуулалтын байдал”-д нийцлийн аудитын хийсэн тайланг Монгол Улсын Ерөнхий аудитороор батлуулан холбогдох байгууллагуудад хүргүүлэв.

“Засгийн газрын тусгай сангийн үйл ажиллагааны үр дүн” сэдэвт аудитын хүрээнд “Авто замын сан”, “Сэргээгдэх эрчим хүчний сан”, “Соёл, урлаг хөгжүүлэх сан”, “Орон сууц хөгжүүлэх сан”, “Дархлаажуулалтын сан, Шинжлэх ухаан, технологийн сан”-гийн үйл ажиллагааны үр дүнг шалгаж байна.

Мөн “Үнэ тогтворжуулах хөтөлбөрийн хэрэгжилт”-д хийх нийцлийн аудитыг эхлэн батлагдсан төлөвлөгөөний дагуу холбогдох яам, агентлагууд дээр ажиллаж байна.

“Төрөөс бүх нийтийн боловсрол олгох бодлогын хэрэгжилт” сэдэвт аудитын төлөвлөгөө, асуудлын шинжилгээг боловсруулан батлуулж, төлөвлөгөөний дагуу холбогдох яам, агентлагууд дээр ажиллаж байна.

 “Санхүүгийн зохицуулах хорооны 2013, 2014, 2015 оны хагас жилийн санхүүгийн үйл ажиллагаа”-нд хийх нийцлийн аудитын төлөвлөгөө, асуудлын шинжилгээг боловсруулан Монгол Улсын Ерөнхий аудитороор батлуулж, төлөвлөгөөний дагуу аудит хийгдэж байна.