Экспортод гаргаж буй ашигт малтмалын талаар төрөөс баримталж буй бодлого, түүний хэрэгжилт, үр дүнд хийсэн аудитын тайлан

 {tab Тайлан}

 {tab Зөвлөмжүүд}

 Аудитын дүн, дүгнэлтэд үндэслэн дараах арга хэмжээг авч хэрэгжүүлэхийг дор дурдсан байгууллага, албан тушаалтанд зөвлөж байна. Үүнд:
Уул уурхайн сайд Д.Ганхуягт
1.      Эрдэс баялгийн болон нүүрсний салбарын, үүний дотор уул уурхайн бүтээгдэхүүний гадаад, дотоод худалдааны бодлого, хөтөлбөрийг боловсруулж хэрэгжүүлэх, хууль эрх зүйн өөрчлөлт, шинэчлэлт хийх,

1.     Газрын тосны  бүтээгдэхүүн хуваах 1993,1997 оны гэрээнүүдэд Монгол Улсад ногдох хувь хэмжээг өсгөх нөхцлийг өөрчлөх, байгалийн баялаг ашигласны төлбөрийг (роялти) төлдөг болох чиглэлээр хууль эрх зүйн орчинд өөрчлөлт хийх болон газрын тосны хайгуул, олборлолт, ашиглалтыг зохицуулахад бүтээгдэхүүн хуваах гэрээнээс гадна концессийн болон үйлчилгээний гэрээний зарчмыг хэрэглэх зэрэг асуудлыг судалж шийдвэрлэх,
2.    Зах зээлийн жишиг үнийн талаарх мэдээллийг гаргаж буй ажлын хэсгийн үйл ажиллагааг сайжруулах, үнийн эх сурвалжийг олон улсын жишигт хүргэх, нийтэлж буй мэдээллийн чанарыг сайжруулах, үүрэг, хариуцлагыг чангатгах, Засгийн газрын 2007 оны 88 дугаар тогтоолд заасан www.coalword.net сайтад зарласан үнийг баримтлан жишиг үнэ тогтоож байгаа үндэслэлийг дахин судалж, холбогдох арга хэмжээ авах,
   4.      Төмрийн хүдэр, нүүрс зэрэг ашигт малтмалыг дотооддоо боловсруулж эцсийн бүтээгдэхүүн үйлдвэрлэх, экспортын үр өгөөжийг нэмэгдүүлэх   асуудлыг судалж,  төрөөс баримтлах бодлого, хөтөлбөр, хууль эрх зүйн актад тусгаж, хэрэгжүүлэх арга хэмжээ авах,
   5.      Монгол Улсын авто болон төмөр замын сүлжээг хөгжүүлэх нэгдсэн бодлогын хүрээнд ашигт малтмал, ялангуяа нүүрсний тээвэрлэлт, ложистик, дэд бүтцийн хөгжлийн асуудлыг иж бүрэн шийдвэрлүүлэх.
   6.     Ашигт малтмалын газар, Газрын тосны газар, Татварын ерөнхий газар, Гаалийн ерөнхий газар, Мэргэжлийн хяналтын ерөнхий газар болон бусад байгууллагуудын хамтын ажиллагаа, ажлын уялдаа холбоог сайжруулж, уул уурхайн экспортын бүтээгдэхүүний дагалдах элементүүдийг лабораторийн шинжилгээгээр бүрэн  тодорхойлуулж, дүгнэлт гаргуулах асуудлыг шийдвэрлэх.
   7.    Уул уурхайн бирж байгуулах асуудлыг судалж, зохих журмын дагуу шийдвэрлүүлэх
    Газрын тосны газрын даргын албан үүргийг түр орлон гүйцэтгэгч  Г.Өлзийбүрэнд
   1.     Газрын тосны тухай хууль, Бүтээгдэхүүн хуваах гэрээг өөрчлөхдөө байгалийн нөхөн сэргээгдэшгүй нөөц ашигласны төлбөрийн хэмжээг 7.5 хувиас доошгүй байх, Бүтээгдэхүүн хуваах гэрээний дагуу Монгол Улсын Засгийн газарт ногдох ашигт тосны хувь хэмжээг тогтоож буй хоногийн олборлолтын хэмжээг багасгах замаар  нэмэгдүүлэн өөрчлөх асуудлыг холбогдох байгууллагуудтай хамтран шийдвэрлэх,
3.  “Петрочайна Дачин Тамсаг Монгол” ХХК-ийн Тамсагаас тос, усны хэмжээг тогтоон хэмжилт хийж ачигдсан газрын тосны төлбөрийг Монгол Улсын нутаг дэвсгэрээс ачигдсан тоо хэмжээгээр тооцон авах асуудлыг шийдвэрлэх.

Ашигт малтмалын газрын дарга Г. Алтансүхэд
1.    Нүүрс, жонш, гянтболд зэрэг уул уурхайн бүтээгдэхүүнийг экспортлох үйл ажиллагаанд тавих хяналт болон холбогдох төрийн бусад байгууллагуудтай ажлын уялдаа холбоог сайжруулах,  боловсронгуй болгох асуудлыг судалж шийдвэрлүүлэх,

1.   Уул уурхайн бүтээгдэхүүнийг экспортод гаргах үйл ажиллагааг зохицуулах журмын төслийг боловсруулж, хэрэгжүүлэх
2.  Хувиараа ашигт малтмал олборлогч иргэдийг нөхөрлөлийн зохион байгуулалтад оруулах замаар ашигт малтмал олборлох, худалдан борлуулах үйл ажиллагааны статистик мэдээллийг гаргах,

Мэргэжлийн хяналтын ерөнхий газрын даргын үүргийг түр орлон гүйцэтгэгч Д.Гүнбазарт

1.  Ашигт малтмал экспортлож буй боомтуудыг уул уурхайн бүтээгдэхүүнд шинжилгээ хийж дүгнэлт гаргах лабораториудаар хангах, хилийн мэргэжлийн  хяналтын албыг уул уурхайн мэргэжлийн улсын байцаагчаар бэхжүүлэх асуудлыг судалж шийдвэрлэх
2.  Мэргэжлийн хяналтын албаны лабораторийг шаардлагатай тоног төхөөрөмжөөр хангаж итгэмжлэгдсэн лаборатори болгож, уул уурхайн бүтээгдэхүүний дагалдах элементийг тодорхойлох боломж нөхцлийг бүрдүүлэх асуудлыг судалж шийдвэрлэх

Гаалийн ерөнхий газрын даргын үүргийг түр орлон гүйцэтгэгч  О.Ганбатад
1.    Төмрийн хүдрийн баяжмалаас чийгийн хэмжээг хасаж  цэвэр жингээр бодож хураамжийг тооцож байгаа аргачлалыг эргэн харж, бохир жингээр тооцон гаалийн хураамж авч, бүрдүүлэлтийг хийх асуудлыг судалж шийдвэрлэх,
2.     Түүхий нефтийн биржийн үнэ, үнэлгээний талаарх Засгийн газрын холбогдох  тогтоолуудад өөрчлөлт оруулж, эрх зүйн орчин бүрдүүлэх асуудлыг шийдвэрлэх
3.    Стратегийн ач холбогдол бүхий алт, зэс, төмрийн хүдэр, баяжмал, нүүрс гэх мэт зарим ашигт малтмалыг экспортлоход гаалийн татвартай болгох  асуудлыг судалж шийдвэрлүүлэх,
4.    Уул уурхайн яам, Ашигт малтмалын газар, Газрын тосны газар, Татварын ерөнхий газар, Мэргэжлийн хяналтын ерөнхий газар болон бусад байгууллагуудын хамтын ажиллагаа, ажлын уялдаа холбоог сайжруулж, уул уурхайн экспортын бүтээгдэхүүнийг болон дагалдах элементүүдийг лабораторийн шинжилгээгээр бүрэн  тодорхойлон дүгнэлт гаргаж байх асуудлыг судалж, шийдвэрлүүлэх.

{tab Тайланг үзэх}

{edocs}audit-report/Performance/2012/2012-PA-10-AshigtMaltmal.pdf,100%,800,link {/edocs}

{/tabs}