ҮНДЭСНИЙ АУДИТЫН ГАЗРЫН 2015 ОНЫ АУДИТЫН БОЛОН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙЖ БУЙ ГҮЙЦЭТГЭЛИЙН АУДИТЫН ЯВЦЫН ТАЛААР
10:27 10 сарын 08 өдөр 2015 он
Тус газраас 2015 оны сүүлийн хагас жилд хийж гүйцэтгэх 5 аудитыг эхлүүлж, гүйцэтгэлийн үе шат буюу талбарын ажил үргэлжилж байна.Үүнд:
Хөрөнгө оруулалтын аудитын алба:
- “Төрийн өмчит их, дээд сургуулиудын 2013-2015 оны үйл ажиллагаа, үр дүн” сэдэвт аудитын төлөвлөгөөг батлуулж, 2015 оны 10 дугаар сарын 7-ны өдөр БСШУЯ-нд аудитын нээлтийг хийлээ. Аудитын нээлтэд БСШУЯ-ны ТНБД, төрийн өмчит их дээд сургуулиудын захирлууд болон холбогдох ажилтнууд оролцлоо. Аудитор шинжээчид батлагдсан төлөвлөгөө, хуваарийн дагуу төрийн өмчит их дээд сургуулиудад талбарын ажлыг эхэлж байна.
- “Улсын нэгдсэн төсвөөс 2015 онд санхүүжүүлж буй хөрөнгө оруулалтын төсөл, арга хэмжээний хэрэгжилтийн явцыг хянах аудитын дараах үе шат”-ны ажлын удирдамжийн дагуу 2015 оны 10 дугаар сарын 1-ний өдөр Хөрөнгө оруулалтын аудитын алба Сангийн яамны Төсвийн хөрөнгө оруулалтын газрын холбогдох мэргэжилтнүүдтэй уулзалт хийж явцын хяналтыг эхлүүлэв.
Төсвийн гүйцэтгэлийн аудитын алба:
- “Татварын хөнгөлөлт, чөлөөлөлтийн хуулийн хэрэгжилт, үр дүн” сэдэвт аудитын төлөвлөгөөг батлуулж, аудитын нээлтийг 2015 оны 9 дүгээр сарын 9 -ний өдөр Сангийн яамны ТНБД, ТЕГ, ГЕГ-ын дарга, холбогдох ажилтнуудыг оролцуулан хийж, батлагдсан төлөвлөгөө, хуваарийн дагуу Сангийн яамны Хөгжлийн санхүүжилт, өрийн удирдлагын газар, ТБТГ-ын Орлогын хэлтэс, ГЕГ, ТЕГ, ТЕГ-ын харьяа УТОХГ-т талбарын ажлыг гүйцэтгэж байна.
- “Монгол Улсын 2016 оны нэгдсэн төсвийн төсөлд санал өгөх ажлын төлөвлөгөө, хуваарийг Монгол Улсын Ерөнхий аудиторын тушаалаар батлуулж, ажлын хэсгийн анхны хурлыг зохион байгуулж, нийт бүрэлдэхүүнд гүйцэтгэх ажил үүргийн талаар танилцуулан аудитын ажлыг эхлүүлээд байна.
Чиглэлийн аудитын алба:
- “Уул уурхайн нөхөн сэргээлтийн хөрөнгийн төвлөрүүлэлт, зарцуулалт, үр дүн” сэдэвт аудитын хүрээнд батлагдсан төлөвлөгөөний дагуу УУЯ-ны Ашигт малтмалын газар, БОНХАЖЯам, МХЕГ дээр ажиллаж байна. Аудитын хүрээнд орон нутагт Архангай, Төв аймгуудад ажиллахаар төлөвлөөд байна.
- ”Хил орчмын байгаль орчныг хамгаалах талаар төрийн зохицуулалтын үр нөлөөт байдал” сэдэвт аудитын хүрээнд батлагдсан төлөвлөгөөний дагуу БОХНАЖЯ, ХХЕГ, ОБЕГ дээр ажиллаж байна. Үндэсний аудитын газрын аудитын баг Сэлэнгэ, Булган, Хөвсгөл, Увс, Хэнтий, Дорнод аймгуудад ажиллах томилолтын удирдамжийг батлуулан, орон нутагт ажиллах бэлтгэл хангагдсан байна.
