Монгол улсын эдийн засаг, нийгмийг 2010 онд хөгжүүлэх Үндсэн чиглэлийн хэрэгжилт

{tab Тайлан}

{tab Зөвлөмжүүд}

 Аудитын дүн, дүгнэлтэд үндэслэн дараахь арга хэмжээг авч хэрэгжүүлэхийг дор дурдсан албан тушаалтанд зөвлөж байна. Үүнд:

Монгол Улсын Ерөнхий сайд С.Батболдод:

1.Үндсэн чиглэлийн төслийг боловсруулахад баримтлах нийгэм, эдийн засгийн хөгжлийн дунд хугацааны бодлогын баримт бичгийн төсөл боловсруулж, зохих журмын дагуу батлуулж, мөрдүүлэх,

2.Монгол Улсын эдийн засаг, нийгмийг хөгжүүлэх үндсэн чиглэлд тусгагдсан хөрөнгө зайлшгүй шаардагдах зорилт, арга хэмжээний санхүү, хөрөнгийн эх үүсвэрийг нэгдсэн төсөв, бусад эх үүсвэртэй уялдуулах механизм бүрдүүлэх,

3.Үндсэн чиглэлийн зорилт, арга хэмжээний биелэлтийг хэмжих нэгж, шалгуур үзүүлэлт, хүрэх түвшингийн дагуу товч тодорхой тайлагнаж байх,

4.Үндсэн чиглэлийн хэрэгжилтийн явц, тайлагналд тавих дотоод хяналтыг боловсронгуй болгох санал боловсруулж, зохих журмын дагуу шийдвэрлүүлэх.

Үндэсний хөгжил, шинэтгэлийн хорооны дарга Ч.Хашчулуунд:

1.Үндсэн чиглэлийн төлөвлөлтөд мэргэшсэн шинжээчдийг оролцуулах, салбарын яамдтай хийх зөвшилцөл, хэлэлцүүлгийг баримтжуулах, хэт олон бус, улс орны хэмжээний тэргүүлэх ач холбогдол бүхий томоохон, тодорхой үр дүнд чиглэсэн зорилт,арга хэмжээг тусгаж байх,

2.Зорилт, арга хэмжээний хэрэгжилтийг хангах хөрөнгө, санхүүгийн эх үүсвэр, хэмжих нэгж, шалгуур, хүрэх түвшинг холбогдох байгууллагуудтай хамтран тодорхойлж, оновчтой томьѐолж байх,

3.Үндсэн чиглэлийг бүтэц, агуулга, хэрэгжих хугацааны хувьд боловсронгуй болгох санал боловсруулж зохих журмын дагуу шийдвэрлүүлэх,

4.Хэрэгжүүлэгч байгууллагуудаас ирүүлсэн Үндсэн чиглэлийн зорилт, арга хэмжээний биелэлтийг хэмжих нэгж, шалгуур үзүүлэлт, хүрэх түвшинтэй нь харьцуулан хянаж баталгаажуулсны үндсэн дээр нэгтгэж, гүйцэтгэлийг сайтар тооцож байх,

5.Үндсэн чиглэлийн хэрэгжилтийн явцад хяналт шинжилгээ хийж, дүнг Засгийн газарт танилцуулан, холбогдох арга хэмжээ авахуулж байх.
 
 
 Улсын Их Хурлын анхааралд толилуулах нь:

1.Үндсэн чиглэлийн бүтэц, агуулгыг нарийвчлан тодорхойлж, Үндсэн чиглэлд тусгах шаардлагатай болон шаардлагагүй асуудал, арга хэмжээнүүдийг зааглаж өгөх,

2.Монгол Улсын эдийн засаг, нийгмийг хөгжүүлэх Үндсэн чиглэлийн биелэлтийг УИХ-ын түвшинд үнэлж дүгнэхэд баримтлах шалгуур үзүүлэлт, аргачлалыг тогтоож мөрдүүлэх.

{tab Тайланг үзэх}

{edocs}audit-report/Performance/2011/2011-PA-01-UndsenChiglel.pdf,100%,800,link {/edocs}

{/tabs}