Статистик мэдээгээ нэгтгэн гаргаж үр дүнг хэлэлцэв

Төв аймгийн Аудитын газар нь 2015 оны 3-р улирлын байдлаар статистик мэдээ нэгтгэн гаргаж, аймгийн Статисткийн хэлтэст хүргүүллээ. Статистик мэдээгээр 3 дугаар улиралын байдлаар 5 гүйцэтгэлийн аудит, 185 байгууллагад санхүүгийн тайлангийн аудит, 4 нийцлийн аудит, 5 байгууллагад засварын аудит хийсэн байна. Төлбөрийн актын биелэлт 40%, зөвлөмжийн биелэлт 73%, албан шаардлагын биелэлт 77%-тай байна. Зардлын 1 төгрөгт ногдох хүлээн зөвшөөрөгдсөн үр өгөөж 35.3 төгрөг байна. Байгууллагын шуурхай, зөвөлгөөнөөр статистик мэдээг хэлэлцэж барагдаагүй акт, албан шаардлагын биелэлтийг яаралтай хангаж ажиллахыг аймгийн Аудитын газрын дарга, Тэргүүлэх аудитор нийт аудитор, шинжээч нарт үүрэг болголоо.

Шуурхай зөвөлгөөнөөр Үндэсний Аудитын газрын Стратегийн удирдлагын газраас ирүүлсэн аймаг, сумын иргэдийн Төлөөлөгч нарт олгосон урамшуулал болон улс төрийн намуудад олгосон санхүүжилтын судалгааг хийх, Нийцлийн аудитын газраас “Хүнсний гол нэрийн барааны үнэ тогтворжуулах хөтөлбөр”-ийн хүрээнд аудит хийж байгаа тул Төв аймгийн нутаг дэвсгэрт үйл ажиллагаа явуулахаар зээл авсан хувийн компаниудын хөтөлбөрийн хэрэгжилтэнд аудит хийх албан тоот, аудитын төлөвлөгөө, зээлийн гэрээ ирсний дагуу аудитор, шинжээч нарт компаниудыг хуваариллаа.