Архангай аймгийн аудитын газар сумдад ажиллав

Улсын Их Хурлын Төсвийн байнгын хорооны 2014 оны 20 дугаар тогтоолыг үндэслэн Монгол улсын Ерөнхий аудиторын тушаалаар баталсан төлөвлөгөөний дагуу “Орон нутгийн хөгжлийн сангийн хөрөнгийн зарцуулалтын байдал”-д нийцлийн аудит хийгдэж байна. Төлөвлөгөөт аудитын дагуу Аймгийн Тэргүүлэх аудиторын баталсан Удирдамжаар 2015 оны 03 сарын 18-аас 04 сарын 26-ны хооронд 18 сумын ОНХС-ийн зарцуулалтын байдлыг газар дээр нь шалгалаа.

2014 онд аймгийн ОНХС-аар 384 төсөл арга хэмжээнд 11506.9 сая төгрөгийг зарцуулахаар төлөвлөгдсөнөөс өнөөдрийн байдлаар аймгийн төв болон 18 суманд 279 төсөл арга хэмжээнд 8633.3 сая төгрөг зарцуулагдсан байна. Шалгалтын урьдчилсан байдлаар Төсвийн тухай хууль болон ТБОНӨХБАҮХАТХ-ийн холбогдох заалтуудыг зөрчсөнтэй холбоотой 1379.6 сая төгрөгийн зөрчил илрээд байна.