АУДИТЫН СТАНДАРТ, ЖУРАМ БОЛОВСРУУЛАН АЖИЛЛАЖ БАЙНА

Стратегийн удирдлагын газраас Төрийн аудитын байгууллагын ёс зүйн зөвлөлийн ажиллах журам, Төрийн аудитын байгууллагын ажилтнуудаас авах мэргэшлийн шалгалтын журмыг батлуулан байгууллагын үйл ажиллагаанд мөрдөн ажиллаж байна.

Санхүүгийн тайлангийн аудитаар итгэл үзүүлж өнжөөхөд баримтлах журмыг боловсруулж үйл ажиллагаандаа мөрдүүлэн ажилласан.

Санхүүгийн тайлангийн аудитын гарын авлагад орох аймаг, нийслэлийн аудитын газруудын тэргүүн туршлагыг нэгтгэж, санхүүгийн тайлангийн аудитын журам, гарын авлагыг 400 хувь хэвлүүлж төрийн аудитын байгууллагын ажилтнуудад түгээсэн.

Нийцлийн аудитын журмыг боловсруулах ажлын хүрээнд гадаад орнуудын аудитын дээд байгууллагуудын тэргүүн туршлагыг судлан, төрийн аудитын байгууллагын ажилтнуудаас журам боловсруулах шаардлага, гүйцэтгэлийн хуучин журам, гарын авлагаас шинэчлэх судалгааг боловсруулан ажиллаа .

ИНТОСАИ-аас баталсан АДБОУС-ыг орчуулах, хэвлэх ажлын хүрээнд дараах стандартуудад захиалагчийн болон хэвлэлийн хяналтыг хийж дуусгаж стандарт бүхий боть номууд бэлэн боллоо. Үүнд:

• АДБОУС 3000-3100 “Гүйцэтгэлийн аудитын удирдамж”, – АДБОУС 1800-1810 “Санхүүгийн аудитын удирдамж”, – АДБОУС 4000-4200 “Нийцлийн аудитын удирдамж”, – АДБОУС 5100-5199 “Байгаль орчны аудитын гарын авлага”, – АДБОУС 10-40 “АДБ-ын үйл ажиллагааны урьдчилсан нөхцөлүүд”, – АДБОУС 100-400 “Аудитын тулгуур зарчмууд”,                 –  АДБОУС 5500-5599 “Гамшгийн тусламжийн аудитын удирдамж”, – АДБОУС 5400-5499 “Улсын өрийн аудитын удирдамж”, – АДБОУС 5000-5099 “Олон улсын институцийн удирдамж”, – АДБОУС 5600  “Түншийн үнэлгээ хийх удирдамж”, – АДБОУС 5310 “Мэдээллийн системийн аюулгүй байдлыг шалгах арга зүй”, – АДБОУС 5200-5299 “Өмч хувьчлалын удирдамж” зэрэг стандартуудыг Төрийн аудитын байгууллагын хүрээнд үйл ажиллагаандаа мөрдөн ажиллаж байна.