ТӨРИЙН АУДИТЫН ЧАДАВХИЙГ БЭХЖҮҮЛЭХ ТЕХНИКИЙН ТУСЛАЛЦААНЫ ТӨСЛИЙН ХҮРЭЭНД СУРГАЛТ ЗОХИОН БАЙГУУЛАГДЛАА

Төрийн аудитын чадавхийг бэхжүүлэх техникийн туслалцааны төслийн хүрээнд Санхүүгийн аудитын газарт хэрэгжиж буй төслийн ээлжит сургалт Аудитын Олон Улсын Стандарт /АОУС/, Санхүүгийн Тайлагналын Олон Улсын Стандарт /СТОУС/, гадаадын зээл тусламжид хэрхэн аудит хийх чиглэлээр 2015 оны 10 дугаар сарын 22-23 ны өдрүүдэд амжилттай зохион байгуулагдлаа.

Тус сургалтаар СТОУС-тай холбоотой биет болон биет бус хөрөнгө, бараа материал, засгийн газрын буцалтгүй тусламж, гадаад валютын хөрвүүлэг, орлого хүлээн зөвшөөрөлт, нягтлан бодох бүртгэлийн бодлого, тооцооллын өөрчлөлт ба алдаа, тайлагналын дараах үйл явдал, зэрэг сэдвүүдийг хамруулсан бөгөөд сургалтанд Үндэсний аудитын газар болон Нийслэлийн аудитын газрын нийт 50 аудитор, шинжээч нар оролцлоо.

Дараагийн сургалтаар СТОУС-ын хүрээнд Нөөц ба болзошгүй зүйлс, борлуулах зорилгоор эзэмшиж буй хөрөнгө ба зогсоосон үйл ажиллагаа, орлогын татвар, бодит үнэ цэнийн хэмжилт, холбоотой талууд, санхүүгийн бус хөрөнгийн үнэ цэнийн бууралт, зэрэг сэдвүүдээр 2015 оны 11 дүгээр сарын 3,4-нд болон 18,19-ны өдрүүдэд, АОУС-ттай холбоотойгоор аудитын баримтжуулалт, санхүүгийн тайлангийн аудитад залилантай холбоотой аудиторын хүлээх үүрэг хариуцлага, нягтлан бодох бүртгэлийн тооцоолол буюу бодит үнэ цэнийн нягтлан бодох бүртгэлийн тооцоолол ба холбогдох нэмэлт тодруулгад аудит хийх, зэрэг сэдвүүдээр 2015 оны 11 дүгээр сарын 26,27-ны өдрүүдэд зохион байгуулагдах юм.