ҮАГ-ЫН 2015 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ НИЙЦЛИЙН АУДИТЫН ЯВЦЫН ТАЛААР
“Санхүүгийн зохицуулах хорооны 2013, 2014, 2015 оны хагас жилийн санхүүгийн үйл ажиллагаа”-нд хийх нийцлийн аудитын тайлан, “Төрөөс бүх нийтийн боловсрол олгох бодлогын хэрэгжилт”-д хийсэн аудитын тайланг Монгол Улсын Ерөнхий Аудиторт танилцуулахаар бэлтгэж байна.
“Үнэ тогтворжуулах хөтөлбөрийн хэрэгжилт”–д хийх нийцлийн аудит аудитын хүрээнд “Хүнсний гол нэрийн бараа, бүтээгдэхүүний үнийг тогтворжуулах”, “Шатахууны жижиглэнгийн худалдааны үнийг тогтворжуулах”, “Өргөн хэрэглээний импортын бараа, бүтээгдэхүүний өртгийг бууруулах”, “Барилгын салбарыг дэмжих, улмаар орон сууцны үнийг тогтворжуулах” дэд хөтөлбөрүүдэд батлагдсан төлөвлөгөөний дагуу аудит хийж байна.
“Засгийн газрын тусгай сангийн үйл ажиллагааны үр дүн” сэдэвт аудитын хүрээнд “Авто замын сан”, “Соёл, урлаг хөгжүүлэх сан”, “Дархлаажуулалтын сан, “Шинжлэх ухаан, технологийн сан”– гийн үйл ажиллагаанд аудит хийж байна. Энэ ажлын хүрээнд аймаг, нийслэлийн аудитын газрын аудитын тайлан мэдээг хүлээн авч нэгдсэн тайланд тусган ажиллаж байна.
“Шилэн дансны хуулийн хэрэгжилт” сэдэвт аудитыг Монгол Улсын Ерөнхий аудитороор батлуулж, төлөвлөгөөний дагуу хийж байна. Энэ аудитын хүрээнд иргэд, албан байгууллагуудаас ирүүлсэн санал, гомдлыг давхар шалгаж байна.
