САНХҮҮГИЙН ТАЙЛАНГИЙН АУДИТЫН УДИРДЛАГЫН СИСТЕМИЙГ ТАНИЛЦУУЛАХ СУРГАЛТ ЗОХИОН БАЙГУУЛЛАА

Монгол Улсын Ерөнхий аудиторын баталсан “Санхүүгийн тайлангийн аудитын удирдлагын системийг турших, тохируулах, аудитад нэвтрүүлэх ажлын төлөвлөгөө”-ний дагуу Санхүүгийн аудитын газрын ажилтнууд системийг танилцуулах, нэвтрүүлэх бэлтгэл ажлыг хангах сургалтыг гүйцэтгэгчээр шалгарсан “Смарт грийн технологи” ХХК-тай хамтран зохион байгуулж байна.

Дээрх сургалтыг орон нутагт зохион байгуулах томилолтын удирдамж, хөтөлбөр батлагдсан бөгөөд Монгол улсын Ерөнхий аудиторын тушаалаар томилолтоор ажиллах чиглэл, бүрэлдэхүүн, зардлын хэмжээг баталгаажуулсан болно.

Өнөөдрийн байдлаар Сэлэнгэ, Дархан-Уул аймагт сургалт зохион байгуулж, эдгээр аймаг 2015-2016 онд хийх санхүүгийн тайлангийн аудитыг СТАУС ашиглаж хийхэд бэлэн боллоо.

Цаашид сургалтыг баруун аймгуудаас эхлэн үргэлжүүлэх бөгөөд 2015 оны 11 дүгээр сард орон нутаг дахь төрийн аудитын байгууллагыг бүрэн хамруулах төлөвлөгөөтэй ажиллаж байна.