ТӨВ АЙМАГ-“Уул уурхайн нөхөн сэргээлтийн хөрөнгө төвлөрүүлэлт, зарцуулалт, үр дүн”-гийн гүйцэтгэлийн аудитын талаар

ҮАГ-ын нэгдсэн удирдамжаар хийгдэж буй “Уул уурхайн нөхөн сэргээлтийн хөрөнгийн төвлөрүүлэлт, зарцуулалт, үр дүн” сэдэвт гүйцэтгэлийн аудитын хүрээнд 10-р сарын 27 –оос 10 дугаар сарын 31-ны өдрүүдэд ҮАГ-ын гүйцэтгэлийн аудитын газрын ахлах аудитор Б.Болормаа, Төв аймгийн аудитын газрын аудитор Д.Пүрэвсүрэн, аудитор Ж.Бямбацогт, аймгийн БОАЖГазрын мэргэжилтэн Ж.Даш-яйчил гэсэн бүрэлдэхүүнтэй баг Заамар суманд ажиллаж  уурхайнуудын олборлолт явуулсан талбайд техникийн болон биологийн нөхөн сэргээлт хийсэн байдлыг газар дээр нь очиж шалгалаа. Уул уурхайн ашиглалтын болон хайгуулын лиценз эзэмшигч аж ахуйн нэгжүүдийн байгаль орчны нөхөн сэргээлтийн барьцаа хөрөнгийн төвлөрүүлэлт зарцуулалтын байдалд гүйцэтгэлийн аудит хийж тайлагналын үе шатны ажил хийгдэж  байна.