ОРОН НУТГИЙН АУДИТЫН ГАЗРУУДАД ЧАНАРЫН БАТАЛГААЖУУЛАЛТЫН ХЯНАЛТ ХИЙЛЭЭ
15:48 11 сарын 04 өдөр 2015 он
Чанарын баталгаажуулалтын албанаас Увс аймгийн Аудитын газарт 2015 оны 10 дугаар сарын 24-нөөс 27-ны өдрүүдэд, Ховд аймгийн Аудитын газарт 10 дугаар сарын 28-наас 31-ний өдрүүдэд аудитын түвшинд чанарын баталгаажуулалт хийж ажиллаа.
Чанарын баталгаажуулалтаар дээрх аймгуудын аудитын газрын чанарын удирдлагын хяналтыг хангалттай гэж дүгнэлээ.
Аймгийн Аудитын газрууд нь ҮАГ-ын нэгдсэн удирдамжийн болон өөрийн төлөвлөгөөний дагуу аудитыг стандарт, гарын авлагын дагуу гүйцэтгэжээ.
Чанарын баталгаажуулалтын алба нь 2015 оны 11 дүгээр сарын 01-нээс 11 дүгээр сарын 12-ны хооронд Хөвсгөл, Архангай, Завхан аймгийн аудитын газруудад чанарын баталгаажуулалт хийж байна.
