Дундговь аймаг: Уул уурхайн нөхөн сэргээлтийн хөрөнгө төвлөрүүлэлт, зарцуулалт, үр дүнд хийсэн гүйцэтгэлийн аудитын тайланг ҮАГ-т хүргүүллээ.

Аудитын төлөвлөлт, гүйцэтгэл, тайлагналын үе шатны ажлыг 2015 оны 8 дугаар сарын 25-аас 11 дугаар сарын 05-ны өдөр хүртэл Тэргүүлэх аудитор Т.Оюунчимэг, Аудитын менежер Б.Гантуяа нар хянан удирдаж, Гүйцэтгэлийн аудитын багийн Шинжээч Ч.Бэрхсайхан гүйцэтгэлээ.

Аудитаар Говь-Угтаал, Баянжаргалан, Гурвансайхан, Өлзийт, Луус, Хулд, Дэлгэрхангай, Сайнцагаан сумдад ажиллаж, бусад сумдыг судалгаа авах түвшинд  хамрууллаа.

Аудитын явцад нийт 128,629.6 мянган төгрөгийн зөрчил илрүүлж, 56,632.3 мянган төгрөгийн зөрчлийг арилгуулахаар хугацаатай албан шаардлага хүргүүлж, 71,997.3 мянган төгрөгийн зөрчилд зөвлөмж өгч ажиллаа.

Аудитын нотлох зүйл, дүнд үндэслэн “Байгаль орчныг хамгаалахтай холбоотой хууль журам бүрэн хэрэгжээгүй, нөхөн сэргээлтийн баталгааны мөнгөн хөрөнгийг дутуу төвлөрүүлж, зориулалт бусаар хяналтгүй зарцуулсан, нөхөн сэргээлтийн ажил хангалтгүй хийгдсэн байна” гэж дүгнэлээ.