Стратегийн удирдлагын газар – 2013 оны эхний 5 сарын ажлын тайлан
Стратегийн удирдлагын газраас 2013 оны эхний 5 сарын хугацаанд дараах ажлуудыг гүйцэтгэлээ. УИХ-ын Байнгын Хороодоос 2013 онд хийх аудитын саналыг хүлээн авч, дүн шинжилгээ хийж, ҮАГ-аас Монгол Улсын Ерөнхий аудиторт нийлүүлэх
бүтээгдэхүүн ажил, үйлчилгээний төлөвлөгөөг боловсрууллаа.
УИХ-ын Төрийн байгуулалтын Байнгын хороо 1, Эдийн Засгийн Байнгын хороо 3, Төсвийн Байнгын хороо 10, Байгаль орчин, хүнс, хөдөө аж ахуйн Байнгын хороо 12, Хууль зүйн Байнгын Хороо 4, нийт 32, Гүйцэтгэлийн аудитын газрын санал болгосон 4 сэдвийг судлан үзэж, гүйцэтгэлийн 9 аудит, санхүүгийн аудит, нийцлийн 7 аудит хийхээр төлөвлөгөөг боловсруулав. Мөн ҮАГ-ын 2013 оны бусад үйл ажиллагааг төлөвлөгөөнд тусгав. ҮАГ-ын 2013 оны үйл ажиллагааны төлөвлөгөө Монгол Улсын Ерөнхий аудиторын 2013 оны 1 сарын 18-ны № 27 тоот тушаалаар батлагдан хэрэгжиж байна.
Мөн УИХ-ын Байнгын хороодоос ирүүлсэн саналыг 2013 оны үйл ажиллагааны төлөвлөгөөнд хэрхэн тусгасан талаар хариуг хүргүүлэв.
Эдийн засаг, хөгжлийн яамнаас ирүүлсэн хүсэлтийн дагуу Монгол Улсын 2013-2016 онуудад хэрэгжүүлэх хөрөнгө оруулалтын саналд ҮАГ-аас хэрэгжүүлэх хөрөнгө оруулалтын төлөвлөгөөний саналыг боловсруулж, хүргүүлэв. Мөн тус яамнаас ирүүлсэн хүсэлтийн дагуу Монгол Улсын 2013-2015 онд хэрэгжүүлэх Үндсэн чиглэлийн төлөвлөлтийг хөрөнгө оруулалтын төлөвлөгөөтэй уялдуулан боловсруулж хүргүүлэв.
Аудитын дээд байгууллагуудын олон улсын байгууллага (ИНТОСАИ)-н Хөгжлийн санаачлага (Аи Ди Аи) болон Аудитын дээд байгууллагуудын Азийн байгууллага (АСОСАИ)-аас хамтран хэрэгжүүлсэн “Стратегийн төлөвлөгөөг боловсруулж, хэрэгжүүлэх” хөтөлбөрийн хүрээнд Үндэсний аудитын газрын 2013-2018 онд хэрэгжүүлэх Стратегийн төлөвлөгөөг боловсруулж, уг төлөвлөгөөг Монгол Улсын Ерөнхий аудиторын 2013 оны 47 дугаар тушаалаар баталлаа.
МУЕА-ын 2013.01.11-ны өдрийн 18 тоот тушаалаар баталсан “Ажлын байрны тодорхойлолт”-ыг үндэслэн газар, хэлтсүүдийн чиг үүргийг шинэчлэн боловсруулах ажлын хэсэгт Стратегийн удирдлагын газрын менежер Х.Баярмаа, арга зүйч Д.Энхболд нар оролцож, ажлын байрны тодорхойлолтыг боловсруулахад санал өгч, эцэслэн батлуулсан.
Аймаг, нийслэлийн Ерөнхий аудиторуудын сургалт зохион байгуулах ажлыг 2013 оны 2 дугаар сарын 25-наас 3 дугаар сарын 1-ний хооронд Стратеги бодлогын хүрээлэнгийн хурлын танхимд зохион байгуулахад Стратегийн удирдлагын газрын ажилтнууд оролцов. Уг сургалтад Газрын захирал А.Сүхбаатар “ҮАГ-ын өнөөгийн байдал, цаашид авч хэрэгжүүлэх арга хэмжээ”, менежер Ц.Батбаяр “Төрийн аудитын байгууллагын ажилтны мэргэжлийн тасралтгүй сургалтын хөтөлбөр”, менежер Х.Баярмаа “ҮАГ-ын 2013-2018 оны Стратегийн төлөвлөгөө” сэдвээр тус тус хичээл заав.
Төрийн аудитын тухай хуулийн нэмэлт өөрчлөлтийг боловсруулж, түүний үзэл баримтлал, танилцуулгыг бэлтгэн УИХ-ын нэр бүхий гишүүдэд төслийг хэвлэн тарааж, мөн 2013 оны 4 дүгээр сарын 8-ны өдөр хууль санаачлах ажлын хэсэгт Төрийн ордны 334 тоот уулзалтын танхимд танилцуулах уулзалт зохион байгуулаад байна. Мөн хууль санаачлагчдад танилцуулсан ба улмаар Монгол Улсын Засгийн газар, яамдаас санал аваад байна.
Аймаг, нийслэлийн Ерөнхий аудиторуудын ажлын үр дүнг үнэлж, түвшин тогтоох ажлын хэсэгт менежер Х.Баярмаа оролцож, аймаг, нийслэлийн аудитын газрын үр өгөөжийг тайланг хянаж, үнэлгээ хийхэд оролцсон.
НАГ-Стаб программыг Нийслэлийн аудитын газраас нэвтрүүлж, санхүүгийн аудитад хэрэгжүүлж эхэлсэн. Санхүүгийн тайлангийн систем нэвтрүүлэхээр INI компанитай гэрээ байгуулж, байгууллагын серверт хүлээлгэж өгсөн. Аудит хийх байгууллага, аудит хийх ажилтнуудын мэдээллийг системд оруулж САГ-т хүлээлгэж өгснөөс гадна программыг жигдрүүлэх талаар байнга хамтарч ажиллаж байна.
Мэргэжлийн тасралтгүй сургалтын хөтөлбөрийн төслийг боловсруулсан. ҮАГ-ын газар хэлтсийн удирдлага, аймаг нийслэлийн аудитын газруудаас санал авч, Ерөнхий аудиторт батлуулахаар өргөн барьсан. Санхүүгийн аудитын гарын авлагыг шинэчлэн боловсруулах судалгааны ажлыг эхлүүлээд байна.
Аудитын явц, гүйцэтгэлийг нэгтгэж хянах программыг “Мандал бурам” ХХК-тай хамтран боловсруулж хүлээлгэн өгсөн.
Стратегийн удирдлагын газар үндсэн чиг үүрэг, төлөвлөгөөт ажлаас гадна дараах ажлыг хийж гүйцэтгэлээ.
• Улсын мөрдөн байцаах газрын хүсэлтээр МИАТ компанийн санхүүгийн зарим үйл ажиллагаанд СЯ, УМХГ, ТӨХ-той хамтарсан шалгалтыг 2013 оны 2 дугаар сарын 4-нөөс 4 дүгээр сарын 8-ныг хүртэлх хугацаанд шалгалтыг хийж дуусгалаа.
• Монгол Оросын хамтарсан Эрдэнэт үйлдвэрийн 2012 оны санхүүгийн тайлангийн аудитыг 2013 оны 3 дугаар сарын 15-наас 4 дүгээр сарын 1-ний хугацаанд объект дээрх ажлыг, 5 дугаар сарын 28-нд тайланг батлуулахад менежер Х.Баярмаа, аудитор Г.Жавхлан нар оролцож ажиллалаа.
• Гүйцэтгэх ажлын 2011 оны зарцуулалтад хийх аудитыг 2013 оны 1 дүгээр сарын 15-наас 4 дүгээр сарын 10-ны хооронд менежер Ц.Батбаяр хийж гүйцэтгэлээ.
• Аймаг нийслэлийн аудитын газруудад Төсвийн тухай хуульд өөрчлөлт орсонтой холбоотой Аймаг нийслэлийн ерөнхий аудиторуудын үйл ажиллагаанд анхаарах асуудлаар арга зөвлөмж, чиглэл өгсөн.
2013 оны 6 дугаар сарын 14-ний өдөр
