Нийцлийн аудит – 2013 оны 1-5 сард хийсэн ажлын тайлан

Монгол Улсын Ерөнхий аудиторт Нийцлийн аудитын газраас 2013 онд нийлүүлэх бүтээгдэхүүн, ажил үйлчилгээний төлөвлөгөөний дагуу дараах аудитыг хийлээ.

1.  ЗГХЭГ-ын даргын төсвийн багцын 2013 оны төсвийн төлөвлөлтийн байдалд Ахлах аудитор Б.Болормаа аудитыг хийж гүйцэтгэсэн.
2.    Бүтээгдэхүүн хуваах гэрээний хэрэгжилт, үр дүнд хийх нийцлийн аудитын төлөвлөгөөг аудитор С.Цэцэг-Өлзий, туслах аудитор Л.Нямтөмөр нар боловсруулж, Ерөнхий аудитороор батлуулж, аудитын төлөвлөгөө, хөтөлбөрийн дагуу аудит хийгдсэн.
3.    Мал эмнэлэгийн урьдчилан сэргийлэх арга хэмжээ, вакцинжуулалт болон Монгол мал үндэсний хөтөлбөрийн хэрэгжилтэд хийх аудитын төлөвлөгөө батлуулан, Ахлах аудитор Б.Болормаа, аудитор Э.Уянга, туслах аудитор Х.Энх-Амгалан, Б.Буянхишиг нар аудит хийж байна.
4.    Улсын төсвийн хөрөнгөөр 2012 онд санхүүжүүлсэн хөрөнгө оруулалтын хэрэгжилт, үр дүнд хийх аудитад аудитор С.Цэцэг-Өлзий, Э.Уянга, туслах аудитор Л.Нямтөмөр, Х.Энх-Амгалан нар Гүйцэтгэлийн аудитын газартай хамтарч оролцлоо.
Шаардлагатай тохиолдолд тодорхой асуудлаар хийх аудит
1.    ЭЦГ-ын Мөрдөн байцаах газраас 2013 оны 1 дүгээр сард ирүүлсэн хүсэлтийг үндэслэн МИАТ ХК-ний 2005-2011 оны зарим үйл ажиллагааг Ахлах аудитор Б.Болормаа шалгаж дүгнэлт, зөвлөмж гаргасан.
2.    Эрүүгийн цагдаагийн газраас ирүүлсэн албан хүсэлтийн дагуу Төрийн өмчийн хорооны 2006-2008 онд гаргасан тогтоолуудад аудитор С.Цэцэг-Өлзий, туслах аудитор Х.Энх-Амгалан, Л.Нямтөмөр нар дүгнэлт гаргасан.
3.    УИХ-ын гишүүн С.Ганбаатараас 2013 оны 4 дүгээр сарын 29-ний өдөр ирүүлсэн албан хүсэлтийг үндэслэн Дархан-Уул аймаг дахь газар өмчлөл, эзэмшил, ашиглалтын байдал, хуулийн хэрэгжилтэд хийх аудитын төлөвлөгөөг Туслах аудитор Х.Энх-Амгалан  боловсруулж, Туслах аудитор Л.Нямтөмөр Дархан-Уул аймгийн аудитын газрынхантай хамтран аудит хийж байна.
4.    ЦЕГ-ын УМБГ-аас 2013 оны 5 дугаар сарын 16-нд ирүүлсэн бичгийн дагуу Эрдэс баялаг эрчим хүчний яамнаас зарлагдсан “ДЦС II”-ийг түшиглэн хагас коксон түлш үйлдвэрлэх цогцолбор байгуулах ажлын худалдан авах ажиллагаанд Ахлах аудитор Б.Болормаа дүн шинжилгээ хийж байна.
5.    2012 онд олгосон орон сууцны хөнгөлөлт, урамшуулал, гадаад дотоод аяллын зардлын судалгааны тайлан аудитор Э.Уянга, туслах аудитор Б.Буянхишиг нар бичиж байна.
6.    ИНЕГ, түүний харъяа зарим байгууллагад эрсдлийн аудитад аудитор Э.Уянга оролцож холбогдох үнэлэлт,дүгнэлт өгсөн.

Мэргэжил, арга зүйн зөвлөгөө, судалгаа, шинжилгээний ажлын талаар
1.    Нийцлийн аудитын олон улсын стандарт ISSAI 4000, 4100, 4200 гарын авлагыг орчуулж, аудитад мөрдлөг болгон ажиллах бэлтгэл ажлыг хангаж байна. Дээрх стандартуудыг Нийцлийн аудитын газраас 2013 оны 2 дугаар сарын 25-28-ны өдрүүдэд зохион байгуулагдсан удирдах ажилтны сургалт, зөвөлгөөнд оролцогчдод гарын авлагыг тарааж, сурталчлах ажлыг зохион байгуулсан.

2013 ОНЫ 1-5 САРД ХИЙСЭН АЖЛЫН ТАЙЛАН