МЭРГЭЖЛИЙН ТАСРАЛТГҮЙ СУРГАЛТЫН ХӨТӨЛБӨРИЙН ДАГУУ АУДИТОР, ШИНЖЭЭЧ НАРТ ЗОРИУЛСАН СУРГАЛТ ЗОХИОН БАЙГУУЛЛАА

Мэргэжлийн тасралтгүй сургалтын хөтөлбөрийн дагуу Үндэсний аудитын газар болон Нийслэлийн аудитын газрын аудитор, шинжээч нарт Стратегийн удирдлагын газар, Тамгын газар хамтран сургалт зохион байгууллаа.

Тус сургалтанд Монгол Улсын Их Сургуулийн “Бизнес төв”-ийн төслийн менежер Н.Батсүх “Тендерийн баримт бичиг боловсруулахад анхаарах зүйл” сэдвээр, Сангийн яамны ахлах мэргэжилтэн Д.Дариймаа “Төрөөс төрийн болон төрийн өмчийн оролцоотой аж ахуйн нэгж, байгууллагад олгож байгаа тусламж, туслалцааг хэрхэн бүртгэх тухай”  сэдвээр, Дэлхийн банкны төслийн зохицуулагч зөвлөх Э.Сандагдорж “Төсвийн хүрээний мэдэгдлийг аудитад ашиглах нь” сэдвээр, Сангийн яамны мэргэжилтэн Г.Болормаа “Төсвийн дансны эдийн засгийн ангилалын тухай” сэдвээр тус тус лекц уншлаа.  Энэхүү сургалт нь Засгийн газрын XI байрны Сонгуулийн Ерөнхий хорооны хурлын танхимд 2014 оны 4 дүгээр сарын 9-ны өдөр зохион байгуулагдсан бөгөөд аудитор, шинжээч нар идэвхтэй оролцлоо.