Аудитын сэдэв сонголт, төлөвлөлтийн тухай мэдээлэл

Монгол Улсын Ерөнхий аудитор 2013 оны 8 дугаар сарын 19-ний өдөр 150 дугаар тушаалаар 2014 онд нийлүүлэх бүтээгдэхүүн, ажил, үйлчилгээний төлөвлөгөөний үндэслэлийг боловсруулах ажлын хэсэг байгуулав.

Үүнтэй холбогдуулан Монгол Улсын Ерөнхий аудитор ажлын хэсэгт дараах чиглэлийг өгөв.

Ажлын хэсэгт УИХ болон олон нийт, иргэдэднэн шаардлагатай асуудлаар аудит хийх сэдвийг хугацаа, хүний болон санхүүгийн нөөцтэй уялдуулан боловсруулахыг даалгалаа.

Гүйцэтгэлийн аудитын сэдвийг сонгохдоо эдийн засаг ниймгийн нэн шаардлагатай асуудлыг хөндөх, тухайлбал, зээлийн хөрөнгө, уул уурхай, дэд бүтэц, засаг захиргаа, зохион байгуулалт, удирдлагын үйл ажиллагааны оновчтой байдал гэх мэт асуудлыг төсвийн хөрөнгийн үр ашигт байдлыг гол шалгуур болгон аудитын өртөг, хугацаа, санхүүгийн болон хүний нөөц, гарах үр дүнг тодорхойлон боловсруулах. Шаардлагатай мэргэжлийн шинжээчдийг татан оролцуулах өртөг зардлыг тооцох.

Санхүүгийн болон нийцлийн аудитын хүрээнд аудит хийх обьектыг эрсдэлээр эрэмбэлэн шалгуур тогтоон сонгох.

Мөн аудитын төлөвлөгөөг УИХ-д оруулж танилцуулна.

Түүнчлэн  МУ-ын эдийн засаг нийгмийг 2014 онд хөгжүүлэх үндсэн чиглэл, 2014 оны төсвийн төсөлд судалгаа хийж санал дүгнэлт боловсруулах ажлын бэлтгэлийг хангах, үүний тулд хэд хэдэн гол сэдвээр аудит хийж байна. Үүнд: Засгийн газрын яам, агентлагийн бүтэц орон тоонд хийх зохион байгуулалтын аудит гэх мэт чухал асуудлууд орж байна.