ТӨСВИЙН ЕРӨНХИЙЛӨН ЗАХИРАГЧ НАРТ САНХҮҮГИЙН АУДИТЫН ТАЙЛАНГ ГАРДУУЛЖ ӨГЛӨӨ

Төрийн аудитын тухай хуулийн 15 дугаар зүйлийн 15.1.1, Төсвийн тухай хуулийн 8 дугаар зүйлийн 8.9.5-д заасны дагуу 33 Төсвийн ерөнхийлөн захирагчийн санхүүгийн нэгтгэсэн тайланд аудит хийж, тайлан дүгнэлтийг гарган Аудитын зөвлөлийн хурлаар хэлэлцүүлэн баталгаажууллаа.
Аудитын 32 Төсвийн ерөнхийлөн захирагчийн санхүүгийн нэгтгэсэн тайланд “Зөрчилгүй”, 1 буюу Байгаль орчин, ногоон хөгжлийн сайдын төсвийн 2013 оны санхүүгийн нэгтгэсэн тайланд “Хязгаарлалттай” санал дүгнэлт өгсөн болно.

Санхүүгийн аудитаар “Хязгаарлалттай” санал дүгнэлт авсан 1, “Зөрчилгүй” дүгнэлттэй боловч цаашид анхаарах асуудал бүхий 8, нийт 9 Төсвийн еранхийлөн захирагчийн санхүүгийн аудитын тайлангийн талаар Монгол Улсын Ерөнхий аудитор, Үндэсний аудитын газрын дэд дарга, тэргүүлэх аудитор болон холбогдох бусад ажилтнуудын бүрэлдэхүүнтэйгээр танилцуулга хийж, Аудитын дүгнэлт, гэрчилгээг Төсвийн ерөнхийлөн захирагч сайд нарт гардуулан өгөх ажлыг зохион байгууллаа.