ҮАГ-ЫН 2015 ОНЫ БҮТЭЭГДЭХҮҮН АЖИЛ, ҮЙЛЧИЛГЭЭНИЙ ТӨЛӨВЛӨГӨӨНИЙ ДАГУУ ХИЙХ НИЙЦЛИЙН АУДИТЫН ЯВЦ

“Санхүүгийн зохицуулах хорооны 2013, 2014, оны санхүүгийн үйл ажиллагаа”-нд хийх нийцлийн аудитын тайланг дуусгаж, МУЕА-р батлуулан СЗХ-нд хүргүүллээ.

“Засгийн газрын тусгай сангийн үйл ажиллагааны үр дүн”-д хийх аудитын хүрээнд “Авто замын сан”, “Соёл, урлаг хөгжүүлэх сан”, “Дархлаажуулалтын сан, “Шинжлэн ухаан, технологийн сан”-гийн үйл ажиллагаанд аудит хийж тайлангийн төслийг МУЕА-т танилцуулахаар бэлтгэж байна.

“Төрөөс бүх нийтийн боловсрол олгох бодлогын хэрэгжилт”-д хийсэн аудитын тайланг МУЕА-т танилцуулахаар бэлтгэж байна.

“Үнэ тогтворжуулах хөтөлбөрийн хэрэгжилт”-д хийх нийцлийн аудитын хүрээнд “Хүнсний гол нэрийн бараа, бүтээгдэхүүний үнийг тогтворжуулах”, “Шатахууны жижиглэнгийн худалдааны үнийг тогтворжуулах”, “Өргөн хэрэглээний импортын бараа, бүтээгдэхүүний өртгийг бууруулах”, “Барилгын салбарыг дэмжих, улмаар орон сууцны үнийг тогтворжуулах” дэд хөтөлбөрүүдэд хийх аудит батлагдсан төлөвлөгөөний дагуу явагдаж байна.

“Шилэн дансны тухай хуулийн хэрэгжилт”-д хийж буй аудитын хүрээнд ҮАГ-ын НАГ-аас 2015 оны 11 дүгээр сарын 13-нд аймаг, нийслэлийн аудитын газрын дарга нартай цахим хурал хийлээ.
Хурлаар “Шилэн дансны тухай хууль”-ийн хэрэгжилтэд хийж буй аудитын ажлын явц байдал болон аудитын явцад тулгарч байгаа асуудлуудын талаар хэлэлцэв. Аудитын явц дунджаар 50-60%-тай байгаа бөгөөд аудитын ажлын явцад тулгарч байгаа нийтлэг асуудлуудад Нийцлийн аудитын газрын дарга Б.Алтанзул тодорхой хариулж, чиглэл өгч, аймаг, нийслэлийн аудитын газрын дарга нар 14 хоногт нэг удаа аудитын явц байдлын талаар мэдээлж, өмнө нь хийгдсэн хагас жилийн аудитаар өгсөн зөвлөмжийн хэрэгжилтийг хянах үүрэг өглөө.

/11 дүгээр сарын эхний 15 хоногийн байдлаар/