Гүйцэтгэлийн аудит – 2013 оны эхний хагас жилийн ажлын тайлан

2013 оны эхний хагас жилийн ажлын тайлан–Гүйцэтгэлийн аудитын газраас Монгол Улсын Ерөнхий аудиторт 2013 онд нийлүүлэх бүтээгдэхүүн, ажил үйлчилгээний төлөвлөгөөний дагуу дараах аудитыг хийж гүйцэтгэлээ.

Улсын Их Хурлын 2011 оны 34 дүгээр тогтоол, Төрийн аудитын тухай хуулиар тодорхойлсон ҮАГ-ын бүрэн эрхийн хүрээнд “Монгол улсын эдийн засаг, нийгмийг 2012 онд хөгжүүлэх үндсэн чиглэлийн хэрэгжилт” сэдэвт аудитыг гүйцэтгэлийн аудитын газрын нэгдүгээр хэлтэс хийж гүйцэтгэсэн.

1. Төсвийн тухай хуулийн 8.10.2-т заасны дагуу Монгол Улсын 2012 оны нэгдсэн төсвийн гүйцэтгэлд ГАГ-ын I, II хэлтэс аудит хийв.
2. Улсын төсвийн хөрөнгөөр 2012 онд санхүүжүүлсэн хөрөнгө оруулалтын, төсөл арга хэмжээний хэрэгжилт, үр дүн сэдэвт аудитыг ГАГ-ын II хэлтэс хийж гүйцэтгэв.

Гүйцэтгэлийн аудитын газраас Монгол Улсын Ерөнхий аудиторт 2013 онд нийлүүлэх бүтээгдэхүүн, ажил үйлчилгээний төлөвлөгөөний дагуу дараах аудитыг хийж гүйцэтгэж байна.

1. Улсын Их Хурлын Төсвийн Байнгын хорооны саналаар “Тогтвортой байдлын гэрээний хэрэгжилт, үр дүн сэдэвт аудитыг ГАГ-ын I хэлтсийн ахлах аудитор Л.Эрдэнэчулуун, шинжээч Л.Авирмэд, С.Одонцэцэг нар аудитын төлөвлөгөө, хөтөлбөрийн дагуу хийж гүйцэтгэж байна.
2. Улсын Их Хурлын Эдийн Засгийн Байнгын хорооны саналаар “Уул уурхайн салбарын институцийг бэхжүүлэх болон дэд бүтцийн хөрөнгө оруулалтыг дэмжих төслүүдийн үйл ажиллагааны үр дүн сэдэвт аудитыг ГАГ-ын I хэлтсийн аудитор Ш.Энхтайван, шинжээч Ж.Оюунтуяа, Ж.Доржмаа нар аудитын төлөвлөгөө, хөтөлбөрийн дагуу хийж гүйцэтгэж байна.
3. Нөөцийн мах бэлтгэх үйл ажиллагааны үр дүн сэдэвт аудитыг Нийслэлийн аудитын газар, Орхон аймаг, Дархан аймгийн аудитын газруудтай хамтран ГАГ-ын II хэлтэсийн ахлах аудитор У.Баярмаа, аудитор Б.Нямхүү нар хийж гүйцэтгэж байна.

Шаардлагатай тохиолдолд тодорхой асуудлаар хийх аудит

2. Монгол улс, ОХУ-ын хил орчмын байгууламжуудыг тохижуулахад зарцуулсан төсвийн хөрөнгийн үр дүн сэдэвт ОХУ-ын тооцооны танхимтай хийх зэрэгцээ аудитыг аймгийн аудитын газруудтай хамтран ГАГ-ын II хэлтэсийн ахлах аудитор Г.Цэдэнбалжир, Ж.Эрдэнэ, I хэлтсийн ахлах аудитор А.Ариунзаяа нар аудитын төлөвлөгөө, хөтөлбөрийн дагуу хийж гүйцэтгэж байна.

2013 оны 2 дугаар хагас жилд хийж буй ажлын тайлан

1. Гадаадын зээл, тусламж, Хөгжлийн банкны санхүүжилт, МУХС-гийн хөрөнгөөр 2008- 2012 онд санхүүжүүлсэн хөрөнгө оруулалтын хэрэгжилт, үр дүн
2. Төрийн зарим байгууллагуудын мэдээллийн технологийн үр дүн
3. Нийслэлд байрлаж буй эмнэлгүүдийн эзэмшил газрын ашиглалт, шинээр барих эмнэлгүүдийн хөрөнгө оруулалтын хэрэгжилт, үр дүн

Эдгээр аудитуудыг үр дүнтэй хийснээр хөрөнгө оруулалтын болон зээл, тусламжийн бодлого, үр дүнг сайжуурлах, ЗГ-ын өртөг зардлыг бууруулах, хүний болон бусад нөөцийг хэмнэх талаар тодорхой зөвлөмж бэлтгэж УИХ болон холбогдох байгууллагуудад хүргүүлэхэд чиглэгдэнэ.

Түүнчлэн Үндэсний аудитын газраас 2014 онд МУ-ын Ерөнхий аудиторт нийлүүлэх бүтээгдэхүүн, ажил, үйлчилгээний төлөвлөгөө боловсруулахтай холбоотойгоор ГА-ын газрын ажилтан тус бүр уул уурхай, ногоон хөгжил, хөдөө аж ахуй, удирдлага зохион байгуулалттай холбоотой үр дүн, үр нөлөө, үр ашгийг нэмэгдүүлэхэд чиглэгдсэн аудитын санал боловсруулах ажлыг зохион байгуулан ажиллаж байна.

Мөн МУ-ын 2014 оны төсвийн төсөлд өртөг зардлыг буурлах, орлого нэмэгдүүлэх чиглэлээр санал боловсруулах ажил хийгдэж байна.

2013 оны 9 дүгээр сарын 3-ны өдөр

Гүйцэтгэлийн аудитын газар