САНХҮҮГИЙН ТАЙЛАНГИЙН АУДИТЫН ТАЛААР АРГА ЗҮЙН СУРГАЛТ ЗОХИОН БАЙГУУЛЛАА

Үндэсний аудитын газрын Санхүүгийн аудитын газрын Түншлэл аж ахуйн нэгж, байгууллагын аудитын алба 2015 оны аудитын төлөвлөгөөний дагуу хараат бус аудитын компаниар гэрээний үндсэн дээр аудитын ажлыг гүйцэтгүүлэх бэлтгэл ажлын хүрээнд санхүүгийн тайлангийн аудитын арга зүйн асуудлаар хараат бус аудитын компаниудад сургалтыг 2015 оны 11 дүгээр сарын 20-ны өдөр Гадаад хэргийн яамны хурлын танхимд зохион байгууллаа.

Сургалтанд нийт 61 хараат бус аудитын компанийн 118 захирал, аудитор нар оролцлоо. Хөтөлбөрийн дагуу сургалтыг Санхүүгийн аудитын газрын дарга, тэргүүлэх аудитор С.Энхзаяа нээж, аудитын төлөвлөх үе шат, аудитын гүйцэтгэх үе шат, аудитын тайлагналын үе шат, Аудиторын ёс зүйн дүрэм, Аудитын Дээд Байгууллагын Олон Улсын Стандарт зэрэг сэдвүүдээр Санхүүгийн аудитын газрын аудитын менежер Ц.Ойдов, аудитын менежер Ч.Болд, аудитын менежер Г.Гүнжидмаа, ахлах аудитор Д.Ганбилэг, Стратеги удирдлагын газрын аудитын менежер Л.Одгэрэл нар танилцуулга хийж, санхүүгийн тайлангийн аудитын журам, гарын авлага болон холбогдох материалаар аудиторуудыг ханган ажиллаа.

Сургалтын төгсгөлд үнэлгээний хуудас тарааж судалгаа авахад сургалтанд оролцогчдын 81 хувь нь сургалтын танилцуулга, үйл ажиллагаанд хангалтай гэсэн үнэлэлт, дүгнэлт өгсөн байна.