Гүйцэтгэлийн аудит – 2013 оны 2 дугаар хагас жилд хийж буй аудит

1. Гадаадын зээл, тусламж, Хөгжлийн банкны санхүүжилт, МУХС-гийн хөрөнгөөр 2008- 2012 онд санхүүжүүлсэн хөрөнгө оруулалтын хэрэгжилт, үр дүн

2. Төрийн зарим байгууллагуудын мэдээллийн технологийн үр дүн

3. УИХ-ын Тамгын газрын нийтлэг арга хэмжээний төсвийн хөрөнгийн зарцуулалт, үр дүн

4. Нийслэлд байрлаж буй эмнэлгүүдийн эзэмшил газрын ашиглалт, шинээр барих эмнэлгүүдийн хөрөнгө оруулалтын хэрэгжилт, үр дүн

5. Засгийн газрын үйл ажиллагааны хөтөлбөр, эдийн засаг, нийгмийг 2013 онд хөгжүүлэх үндсэн чиглэлийн биелэлт болон 2013 онд улсын төсөв, Хөгжлийн банк, Чингис бондын санхүүжилтээр хийгдэх хөрөнгө оруулалтын төсөл, хөтөлбөрүүдийн хэрэгжилтийн явц байдал

Эдгээр аудитуудыг үр дүнтэй хийснээр хөрөнгө оруулалтын болон зээл, тусламжийн бодлого, үр дүнг сайжуурлах, ЗГ-ын өртөг зардлыг бууруулах, хүний болон бусад нөөцийг хэмнэх талаар тодорхой зөвлөмж бэлтгэж УИХ болон холбогдох байгууллагуудад хүргүүлэхэд чиглэгдэнэ.

Мөн Төрийн аудитын тухай хуулийн 15.1.9-д “Улсын төсвийн төсөлд болон төсвийн хөрөнгийн үр ашгийг дээшлүүлэх, орлого нэмэгдүүлэх талаар санал боловсруулж Улсын Их Хуралд оруулах” гэж заасан бүрэн эрхийн хүрээнд Монгол Улсын 2014 оны төсвийн төсөлд “Төсвийн тогтвортой байдлын тухай хууль”-д заасан Төсвийн тусгай шаардлага, “Монгол Улсын нэгдсэн төсвийн 2013 оны төсвийн хүрээний мэдэгдэл, 2013-2014 оны төсвийн төсөөллийн тухай хууль”-д заасан Төсвийн хүрээний мэдэгдлийг хангасан эсэх, Төсвийн хөрөнгийн үр ашгийг дээшлүүлэх, орлогыг нэмэгдүүлэх, зарлагыг бууруулах санал боловсруулах ажил хийгдэж байна.

Түүнчлэн Үндэсний аудитын газраас 2014 онд МУ-ын Ерөнхий аудиторт нийлүүлэх бүтээгдэхүүн, ажил, үйлчилгээний төлөвлөгөө боловсруулахтай холбоотойгоор ГА-ын газрын ажилтан тус бүр төсвийн удирдлага зохион байгуулалттай холбоотой үр дүн, үр нөлөө, үр ашгийг нэмэгдүүлэхэд чиглэгдсэн аудитын санал боловсруулах ажлыг зохион байгуулан ажиллаж байна.