Төв аймаг – Шилэн дансны тухай хуулийн хэрэгжилтийг улсын хэмжээнд Үндэсний аудитын газрын нэгдсэн удирдамжаар хийж байна.

Аудитыг Монгол Улсын Шилэн дансны тухай хуулийн 8 дугаар зүйлийн 8.1, 8.3, Төрийн аудитын тухай хуулийн 15.1.1 дэх заалтыг үндэслэн  Үндэсний аудитын газрын бүрэн эрхийн хүрээнд хийлээ.

Шилэн дансны тухай хуулийн 3 дугаар зүйлийн 3.1.1-т  “төрийн болон орон нутгийн өмчит хуулийн этгээд”  гэсэн заалтын дагуу 230 байгууллага хамрагдахаас 5 байгууллага хамрагдаагүй, хамрагдалт 97.8 хувьтай байна.

Шилэн дансны тухай хуулийн 3 дугаар зүйлийн 3.1.1-т  “төрийн болон орон нутгийн өмчит хуулийн этгээд”  гэсэн  заалтын дагуу Төв аймагт  улсын төсөвт 37 байгууллага, орон нутгийн төсөвт 185 байгууллага,  орон нутгийн өмчит 5, ТӨХК, ТӨААТҮГ 3 аж ахуйн нэгж байгууллага Шилэн дансны нэгдсэн портал системд нийт 230 байгууллага хамрагдсан байна. Шилэн дансны нэгдсэн портал системд хамрагдаагүй байгууллагуудаас дурьдвал Угтаал сумын Тариалан дэмжих сан, Баруун-Зуунмод өрхийн эрүүл мэндийн төв, Тагнуулын ерөнхий газрын Төв аймаг дахь хэлтэс, Авто тээврийн үндэсний төвийн ТӨҮГазрын Төв аймаг дахь салбар зэрэг байгууллагууд ороогүй байна.

10 сая төгрөгөөс дээш үнийн дүнгээр улс, орон нутгийн төсвийн хөрөнгөөр хөрөнгө оруулалт, төсөл, хөтөлбөр, арга хэмжээ, ажил үйлчилгээг гүйцэтгэж байгаа Шилэн дансны тухай хуулийн 3-р зүйлийн 3.1.4, 3.1.5-д заасан аж ахуйн нэгжүүд 6-р зүйлийн 6.9-д заасны дагуух мэдээлэлээ  санхүүжилт хүлээн авсан төсөвт байгууллагын цахим хуудсанд байршуулаагүй байна.