МЭДЭЭЛЛИЙН ТЕХНОЛОГИ ХАРИУЦСАН АЖИЛЧДАД ЗОРИУЛСАН СУРГАЛТ ЗОХИОН БАЙГУУЛЖ БАЙНА
Төрийн аудитын байгууллагын Мэргэжлийн тасралтгүй сургалтын хөтөлбөрийн хүрээнд 2015 онд хэрэгжүүлэх сургалтын төлөвлөгөөнд заасны дагуу, сургалтын хэрэгцээ шаардлагад тулгуурлан, төрийн аудитын байгууллагын харьяа аудитын газруудын мэдээлэл технологи хариуцсан 23 аудитор шинжээч нарт 2015 оны 11 дүгээр сарын 30-ны өдрөөс 12 дугаар сарын 19-ны өдөр хүртэл сургалт зохион байгуулж байна.
Төрийн аудитын төв болон орон нутгийн аудитын газруудыг шилэн кабелийн холболттой өндөр хурдны, нууцлалын өндөр түвшинд нэгдсэн сүлжээнд холбож мэдээлэл, технологийн онлайн орчин, eOffice-ын програм хангамжийг нэвтрүүлсэн. Энэхүү нэгдсэн сүлжээ болон түүний орчинд ажиллах eOffice-ын програм хангамжуудыг үр дүнтэй ажиллуулах, ашиглахад мэдээлэл технологи хариуцсан ажилтны ур чадварыг дээшлүүлэх үүднээс тус сургалтыг зохион байгуулж байна.
Сургалтын зорилго нь: Мэдээлэл технологи хариуцсан ажилтнуудад Төрийн аудитын байгууллагын нэгдсэн сүлжээнд ажиллах, ашиглагдаж буй програм хангамжийг таниулах, сургах, мэдээллийн аюулгүй байдлын тухай ерөнхий ойлголтыг өгөх, мэргэжил арга зүйгээр хангаж ажиллах зорилготой.
Сургалт нь дараах сэдвүүдийн хүрээнд зохион байгуулагдаж байна.
- Төрийн аудитын байгууллагын нэгдсэн сүлжээний орчинд ажиллах програм хангамжууд, техник хангамжийн тухай,
- Мэдээллийн аюулгүй байдлын тухай журмын танилцуулга
- eOffice-ын системд тулгуурсан програм хангамжуудыг боловсруулах сайжруулах арга замууд
- Lync 2013 сүлжээний орчинд ажиллах дотоод мессенжер програмыг хэрхэн ашиглах тухай
- Төрийн аудитын нэгдсэн портал сайтад контент оруулахад анхаарах зүйлс
- Мэдээллийн аюулгүй байдлын тухай ерөнхий ойлголт
- Төрийн албан хэрэг хөтлөлтийн талаарх ойлголт, дагаж мөрдөх хууль тогтоомж эрх зүйн акт
- Нууц баримт бичгийн тухай, Байгууллагын нууцын тухай, Төрийн нууцын ажилтны томилсон тушаал танилцуулах, арга зүйн зөвлөгөө өгөх
- Шилэн дансны тухай хуулийн хэрэгжилтийг хангаж ажиллах тухай
- Авлигаас урьдчилан сэргийлэх үйл ажиллагаа
2016 оны хөрөнгө орлогын мэдүүлэгийг хүлээн авахтай холбоотой мэдээлэл хийх
“Авлигагүй хамт олон” аяны тухай мэдээлэл
Авлигаас урьдчилан сэргийлэх,
Авлигын эсрэг хууль тогтоомжийн сурталчилах
