МОНГОЛ УЛСЫН 2014 ОНЫ ТӨСВИЙН ТӨСӨЛД ӨГӨХ САНАЛ

Үндэсний аудитын газар Төсвийн тухай хуулийн 8 дугаар зүйлийн 8.4.7, Төсвийн тогтвортой байдлын тухай хуулийн 13 дугаар зүйлийн 13.1, Төрийн аудитын тухай хуулийн 15 дугаар зүйлийн 15.1.9 дэх заалтуудыг үндэслэн Засгийн газраас Улсын Их Хуралд өргөн мэдүүлсэн

Монгол Улсын 2014 оны төсвийн тухай, Хүний хөгжил сангийн 2014 төсвийн тухай, Нийгмийн даатгалын сангийн 2014 оны төсвийн тухай хуулиудын төсөлд санал дүгнэлт боловсруулж, Улсын Их Хуралд танилцуулж байна.

Ингэхдээ Монгол Улсын 2014 оны төсвийн төсөл Төсвийн тогтвортой байдлын тухай хуулийн 6 дугаар зүйлд заасан төсвийн тусгай шаардлагууд, Монгол Улсын нэгдсэн төсвийн 2014 оны Төсвийн хүрээний мэдэгдэл, 2015-2016 оны Төсвийн төсөөллийн тухай хуульд заасан шалгуур үзүүлэлтүүдийг хангасан эсэхэд дүгнэлт гаргах, төсвийн хөрөнгийн үр ашгийг дээшлүүлэх, орлого нэмэгдүүлэх, зарлага хэмнэх талаар бодитой хэрэгжих, зарчмын саналууд дэвшүүлэхийг зорьсон болно.