ӨВӨРХАНГАЙ АЙМАГ-Шилэн дансны тухай хуулийн хэрэгжилтэд хийсэн нийцлийн аудит

Өвөрхангай аймгийн Аудитын газар Шилэн дансны тухай хуулийн 8 дугаар зүйл, Төрийн аудитын тухай хуулийн 15 дугаар зүйлийн 15.1.5-д заасан бүрэн эрхийн хүрээнд, УИХ-ын Төсвийн байнгын хорооны 2014 оны 12 дугаар сарын 17-ны өдрийн 20 дугаар тогтоол, Монгол Улсын Ерөнхий аудиторт аймгийн Аудитын газраас 2015 онд нийлүүлэх бүтээгдэхүүн, ажил, үйлчилгээний төлөвлөгөө, Монгол Улсын Ерөнхий аудиторын баталсан ҮАГ-НАГ/2015/07-НА төлөвлөгөөг үндэслэн Шилэн дансны тухай хуулийн хэрэгжилтэд аудитыг хийж гүйцэтгэлээ.

Өвөрхангай аймгийн хэмжээнд  Шилэн дансны тухай хуулийн 3 дугаар зүйлийн 3.1.1-д заасан төрийн болон орон нутгийн өмчит хуулийн этгээд 223 байгууллагаас 217 байгууллага шилэн дансны нэгдсэн сайтад байршуулан, 97.3 хувиар хамрагдсан ч байгууллагууд хуулийн 6 дугаар заалт тус бүрээр мэдээллээ бүрэн оруулаагүй байна.

Аудитаар илэрсэн зөрчилийг арилгуулах, хариуцлага тооцох 42 албан шаардлагыг аймгийн Засаг дарга, 19 сумдын Засаг дарга нар,  ТШЗахирагчдад хүргүүллээ.