ГАМШИГ ОСОЛ, ГАЛ ТҮЙМРИЙН АЮУЛААС УРЬДЧИЛАН СЭРГИЙЛЭХ, МЭРГЭЖЛИЙН АНГИ, ГАМШГААС ХАМГААЛАХ ОРОН ТООНЫ БУС ШТАБУУДЫН ДУНД УР ЧАДВАР, ХУУЛЬ ЭРХ ЗҮЙН МЭДЛЭГ ДЭЭШЛҮҮЛЭХ ТЭМЦЭЭНИЙ ГАР БӨМБӨГИЙН ТӨРӨЛД ҮАГ АЛТАН МЕДАЛЬ ХҮРТЛЭЭ

     Гамшиг осол, гал түймрийн аюулаас урьдчилан сэргийлэх, мэргэжлийн анги, гамшгаас хамгаалах орон тооны бус штабуудын дунд ур чадвар, хууль эрх зүйн мэдлэг дээшлүүлэх тэмцээний гар бөмбөгийн төрөлд үндэсний аудитын газар алтан медаль хүртлээ.

Тус тэмцээний зорилго нь монгол улсын “гамшгаас хамгаалах тухай “, “галын аюулгүй байдлын тухай”, “төрийн ордны тухай” хууль, дүрэм журмуудын мэдлэгийг дээшлүүлэх, гамшиг осол, гал түймрийн үед шуурхай ажиллах, гал унтраах анхан шатны багаж хэрэгслийг эзэмших, бэлтгэх бэлэн байдлыг хангаж, мэдлэг ур чадварыг дадлагажуулахад оршисон.

Жил бүр уламжлал болон зохион байгуулагддаг энэхүү тэмцээнийг төрийн ордны онцгой байдлын алба зохион байгуулсан бөгөөд  засгийн газрын байр, яамдуудын мэргэжлийн анги гамшгаас хамгаалах штабуудын бүрэлдэхүүн, төр засгийн үйлчилгээ эрхлэх газар түүний харьяа байр ашиглалтын захиргаа, амралт үйлчилгээний цогцолбор, төрийн түүхийн музей, их тэнгэр цогцолбор, УИХ, ЗГ-ын хэвлэх үйлдвэрүүд, ЗГ-ын авто бааз, архивын ерөнхий газар, түүний харьяа үндэсний төв архив, кино дүрс дуу авиа дүрс бичлэгийн баримтын төв зэрэг байгууллагуудын мэргэжлийн анги, гамшгаас хамгаалах орон тооны бус штабын бүрэлдэхүүн оролцсон.