Дорноговь аймаг – Шилэн дансны хуулийн хэрэгжилтэд хийх нийцлийн аудит, төрийн өмчит их дээд сургуулийн үйл ажиллагаанд хийх гүйцэтгэлийн аудитын тайланг дуусгаж хүргүүллээ.

Нийцлийн аудит

Дорноговь аймгийн Аудитын газар нь Монгол Улсын Ерөнхий аудиторын баталсан төлөвлөгөө, хөтөлбөрийн дагуу “Шилэн дансны тухай хуулийн хэрэгжилт” сэдэвт нийцлийн  аудитыг 2015 оны 10.25-12.10-ныг хүртэлх хугацаанд гүйцэтгэлээ.

Аудитад улс, орон нутгийн төсвийн 131 байгууллага хамрагдлаа. Аудитаар нийт 43 тэрбум төгрөгийн зөрчил илрүүлж, зөрчлийг арилгуулахаар 34 байгууллага албан тушаалтанд хугацаатай албан шаардлага хүргүүллээ. Төсвийн байгууллагууд нь тухайн жилийн батлагдсан төсөв, 5 сая төгрөгөөс дээш үнийн дүн бүхий худалдан авалт, цалингаас бусад таван сая төгрөгийн дүнтэй орлого, зарлагын гүйлгээ, өмч хөрөнгө зарцуулах тушаал шийдвэр, НДС-аас авч буй тэтгэвэр тэтгэмж зэрэг мэдээллийг байршуулааагүй зөрчлийг гаргасан байна.

Гүйцэтгэлийн аудит

Дорноговь аймгийн Аудитын газар Үндэсний  Аудитын газрын 2015 оны бүтээгдэхүүн ажил үйлчилгээний төлөвлөгөөний дагуу “Төрийн өмчит их, дээд сургуулиудын 2013-2015 оны үйл ажиллагааны үр дүн” сэдэвт аудитыг 11 сарын 5-наас 12 сарын 16-ны хооронд гүйцэтгэж дууслаа.

Тус аудитаар АШУҮИС-ийн Дорноговь аймгийн салбар сургуулийн 2013-2015 оны үйл ажиллагааг хамруулж “Сургалтын үйл ажиллагаа хэвийн явагдаж байгаа ч санхүүгийн бүртгэл, тооцоонд шат шатны хяналт дутагдаж байна” гэсэн ерөнхий дүгнэлт өгөв.