Олон Улсын сургалтад ҮАГ-ын төлөөлөл амжилттай оролцлоо.
Аудитын дээд байгууллагуудын Олон Улсын байгууллага (ИНТОСАИ)-ын Хөгжлийн санаачлага (Аи Ди Аи) болон Аудитын дээд байгууллагуудын Азийн байгууллагаас хамтран 2013 оны 9-р сарын 30-наас 10-р сарын 5-ны өдрүүдэд Тайландын
Бангкок хотноо зохион байгуулсан Гүйцэтгэлийн аудитын Аудитын дээд байгууллагын Олон Улсын стандарт (АДБОУС)-ын хэрэгжилт сэдэвт сургалтад Монгол Улсын Үндэсний аудитын газрын Стратегийн удирдлагын газрын менежер Х. Баярмаа амжилттай оролцлоо.
Тус сургалт нь Гүйцэтгэлийн ба санхүүгийн аудитын Аудитын дээд байгууллагын Олон Улсын стандарт (АДБОУС)-ын сертификатын хөтөлбөрт зориулж зохион байгуулж буй АДБОУС-ын хэрэгжилтийг дэмжих сургалтуудын нэг бөгөөд сургалтад оролцогчдын зардлыг Аи Ди Аи-аас санхүүжүүллээ.
Эдгээр сургалтууд нь АДБОУС-ын сертификатын хөтөлбөрийн сүүлийн үе шат юм. Сургалтад амжилттай оролцсоны дараа оролцогчид Аи Ди Аи-Мэргэжлийн стандартын хорооны АДБОУС-ын сургагч багшийн сертификат эзэмших юм.
