Дундговь аймаг: Шилэн дансны тухай хуулийн хэрэгжилтэд нийцлийн аудит хийлээ
Шилэн дансны тухай хуулийн 8 дугаар зүйлийн 8.1, 8.3, Төрийн аудитын тухай хуулийн 15 дугаар зүйлийн 15.1.1 дэх заалтыг үндэслэн Үндэсний аудитын газрын нэгдсэн удирдамж, Монгол Улсын Ерөнхий аудиторын баталсан төлөвлөгөө хөтөлбөрийн дагуу Шилэн дансны тухай хуулийн хэрэгжилтэд аудит хийлээ.
Аудитад Шилэн дансны тухай хуулийн 3 дугаар зүйлийн 3.1-д заасан Дундговь аймгийн хэмжээнд хамрагдвал зохих нийт 163 байгууллагаас 149 байгууллага хамрагдсан.
Аймгийн хэмжээнд шилэн дансны тухай хуулийн 3 дугаар зүйлийн 3.1.5-т заасан төрийн чиг үүрэгт хамаарах ажил үйлчилгээг хууль тогтоомж гэрээний үндсэн дээр гүйцэтгэгч байгууллагын хувьд хувийн цэцэрлэг 1, сумдын мал эмнэлэгүүд 15 нийт 16 байгууллага нэгдсэн цахим хуудсанд бүртгэлгүйгээс огт хамрагдахгүй, сумдын 14 Эм эргэлтийн сан цахим хуудсанд нэвтрэх эрх нээгдээгүйгээс мэдээлэл оруулах боломжгүй байна.
Нийтлэг адлаа зөрчлүүд
Байгууллагын өмч хөрөнгөтэй холбоотой шийдвэрүүдийг, Орлого, зарлагын гүйгээг, Төсвийн хэмнэлт хэтрэлтийн шалтгааны тайлбарыг, Жилийн эцсийн тайлан, хагас жилийн тайлан, аудитын тайлан, дүгнэлтэд тусгагдсан арга хэмжээг цахим хуудаснаа тайлагнаагүй байна.
Аудитын нотлох зүйл дүнд үндэслэн “Шилэн дансны тухай хуулийн хэрэгжилт хангалтгүй, цахим хуудсанд мэдээлэл бүрэн мэдээлэгдэхгүй байна” гэж дүгнэлээ.
Аудитаас дараах зөвлөмжүүдийг холбогдох газарт хүргүүллээ: Үүнд
Аймаг сумдын Засаг дарга нарт
- Байгууллагын санхүүгийн ажилтануудад шилэн дансны тухай хуулийг судлуулах, мэдлэг дээшлүүлэх сургалтанд хамруулах,
Аймаг сумдын иргэдийн Төлөөлөгчдийн хуралд
- Аймаг сумын ИТХурал, иргэдийн Нийтийн Хурал хуулинд заасан хяналтыг хэрэгжүүлэхэд анхаарч ажиллах,
Нэгдсэн тайланд тусгаж Сангийн яаманд хүргүүлэхээр ҮАГ-т санал хүргүүлж байна.
- Шилэн дансны нэгдсэн цахим хуудсыг сайжруулж боловсронгуй болгох / мэдээллийг оруулсан тухайн өдрийн огноог бүртгэдэг байх, мэдээлэл оруулах хуулийн хугацааг анхааруулдаг байх, мэдээллийн хамгаалалтыг сайжруулах/
