ГАГ-ын АУДИТЫН ЯВЦ БАЙДЛЫН ТАЛААР МЭДЭЭЛЭЛ

2013 оны 2 дугаар хагас жилд хийгдэж буй аудит

1. Монгол Улс ОХУ хоорондын хилийн боомтуудыг тохижуулахад зарцуулсан хөрөнгийн зарцуулалт үр дүн”, “Төрийн зарим байгууллагуудын мэдээллийн технологийн үр дүн”, “Нөөцийн мах бэлтгэх үйл ажиллагааны үр дүн”, “Нийслэлд байрлаж буй

эмнэлгүүдийн эзэмшил газрын ашиглалт, шинээр барих эмнэлгүүдийн хөрөнгө оруулалтын хэрэгжилт, үр дүн” сэдэвт аудитууд хяналт, тайлагналын үе шатанд явж байна.

2. “Гадаадын зээл, тусламж, Хөгжлийн банкны санхүүжилт, МУХС-гийн хөрөнгөөр 2008- 2012 онд санхүүжүүлсэн хөрөнгө оруулалтын хэрэгжилт, үр дүн”, “УИХ-ын Тамгын газрын нийтлэг арга хэмжээний төсвийн хөрөнгийн зарцуулалт, үр дүн” сэдэвт аудитууд обектийн үе шатанд хийж байна.

3. Эдийн засгийн Байнгын хорооны саналаар /ЭХЯ, УУЯ, ҮХААЯ, ЗТЯ, БХБЯ, ЭЗХЯ/ 6 яамыг хамруулан “Засгийн газрын үйл ажиллагааны хөтөлбөр, эдийн засаг, нийгмийг 2013 онд хөгжүүлэх үндсэн чиглэлийн биелэлт болон 2013 онд улсын төсөв, Хөгжлийн банк, Чингис бондын санхүүжилтээр хийгдэх хөрөнгө оруулалтын төсөл, хөтөлбөрүүдийн хэрэгжилтийн явц байдал”-д дүн шинжилгээ хийж тайланг Эдийн засгийн байнгын хороонд хүргүүлсэн.

4. Төсвийн байнгын хорооны санал, УИХ-ын 2013 оны 10 дугаар сарын 25-ний өдрийн 58 дугаар тогтоолын дагуу Монгол Улсын 2013 оны төсвийн тухай хуульд өөрчлөлт оруулах тухай хууль батлагдсантай холбогдуулан улсын төсвийн хөрөнгөөр хэрэгжүүлж буй төсөл, арга хэмжээнүүдийн төсөвт өртөг нэмэгдсэн, гүйцэтгэх хугацаа удааширсан шалтгааныг тодруулан дүн шинжилгээ хийж дүгнэлт гарган УИХ-д хүргүүлсэн.

5. Үндэсний аудитын газар Төсвийн тухай хуулийн 8 дугаар зүйлийн 8.4.7, Төсвийн тогтвортой байдлын тухай хуулийн 13 дугаар зүйлийн 13.1, Төрийн аудитын тухай хуулийн 15 дугаар зүйлийн 15.1.9 дэх заалтуудыг үндэслэн Засгийн газраас Улсын Их Хуралд өргөн мэдүүлсэн Монгол Улсын 2014 оны төсвийн тухай, Хүний хөгжил сангийн 2014 төсвийн тухай, Нийгмийн даатгалын сангийн 2014 оны төсвийн тухай хуулиудын төсөлд санал дүгнэлт боловсруулж, Улсын Их Хуралд танилцууллаа.

Монгол Улсын 2014 оны төсвийн төсөл, Төсвийн тогтвортой байдлын тухай хуулийн 6 дугаар зүйлд заасан төсвийн тусгай шаардлагууд, Монгол Улсын нэгдсэн төсвийн 2014 оны Төсвийн хүрээний мэдэгдэл, 2015-2016 оны Төсвийн төсөөллийн тухай хуульд заасан шалгуур үзүүлэлтүүдийг хангасан эсэхэд дүгнэлт гаргах, төсвийн хөрөнгийн үр ашгийг дээшлүүлэх, орлого нэмэгдүүлэх, зарлага хэмнэх талаар бодитой хэрэгжих, зарчмын саналууд дэвшүүлж, Улсын төсвийн 2014 оны төсвийн тухай хуульд тусгуулсан болно. 2013 оны 11 дугаар сарын 19-ний өдөр

ГҮЙЦЭТГЭЛИЙН АУДИТЫН ГАЗАР