НИЙЦЛИЙН АУДИТЫН ГАЗРААС ХИЙЖ БУЙ АУДИТ БОЛОН БУСАД АЖЛЫН ТАЛААР

Монгол Улсын Ерөнхий аудиторт Нийцлийн аудитын газраас 2013 онд нийлүүлэх бүтээгдэхүүн, ажил үйлчилгээний төлөвлөгөө, болон бусад байгууллагаас ирүүлсэн санал хүсэлтийн дагуу дараах ажлыг хийлээ.

Үүнд:

Нэг.Хууль тогтоомж, дүрэм, журмын мөрдөлт, УИХ, Засгийн газрын шийдвэрийн хэрэгжилтэд хийх аудитын талаар

1.1. “Мал эмнэлгийн урьдчилан сэргийлэх арга хэмжээ, вакцинжуулалт болон Монгол мал үндэсний хөтөлбөрийн хэрэгжилт”-ийн байдалд аудит хийсэн.

Аудитаар нийт 1,7 тэрбум төгрөгийн төлбөр зөрчлийг илрүүлж, аудитын хугацаанд 1,0 тэрбум төгрөгийг нь барагдуулсан. Аудитаар Үйлдвэр, хөдөө аж ахуйн сайдад 2, ҮХААЯ-ны Мал, эмнэлэг үржлийн газрын даргад 5, нийт 7 зөвлөмжийг өгсөн.

Аудитын тайланг МУ-ын Ерөнхий аудиторын 2013 оны 12 дугаар сарын 4-ны өдрийн 196 дугаар тушаалаар баталгаажуулж, тайланг УИХ-ын Байгаль орчин, хүнс хөдөө аж ахуйн Байнгын хороонд хүргүүлсэн, мөн Үйлдвэр, хөдөө аж ахуйн сайдад хүргүүлж, дэд сайд болон Төрийн нарийн бичгийн даргад танилцуулсан.

Батлагдсан аудитын тайланг www.audit.mn сайтад байршуулсан болно.

МУ-ын Ерөнхий аудиторын 2009 оны 9 дүгээр сарын 08-ны өдрийн 91 дүгээр тушаалын нэгдүгээр хавсралтаар батлагдсан “Үндэсний аудитын газрын архивын дүрэм” болон Архивын даргын 2007 оны 59 дугаар тушаалаар батлагдсан “Байгууллагын архивын  ажлын үндсэн заавар”-ын дагуу аудитын ажлын баримтыг хадгаламжийн нэгж болгон бүрдүүлсэн.

1.2. “Эрүүл хүүхэд аяны санхүүжилт, ажлын үр дүн”-д хийх аудитын хүрээнд хийгдсэн ажил болон тус аяны үйл ажиллагааны хөрөнгийг үр дүнтэй зарцуулсан эсэх асуудлыг хамруулан шалгаж, дүнг холбогдох байгууллага, албан тушаалтанд  танилцуулж, үр дүнг олон нийтэд мэдээлэхэд аудитын зорилт чиглэгдсэн.
Аудитын тайлангийн төслийг боловсруулж, аудитын менежерийн хяналтад өгсөн.

1.3.УИХ-ын гишүүн С.Ганбаатараас ирүүлсэн хүсэлтийг үндэслэн “Дархан-Уул аймаг дахь газар өмчлөл, эзэмшил, ашиглалтын байдал, хуулийн хэрэгжилт”-т хийсэн аудитыг туслах аудитор Л.Нямтөмөр хийж гүйцэтгэсэн. Аудитаар иргэн, аж ахуйн нэгж, байгууллагад газрыг өмчлөлүүлэх, эзэмшүүлэх, ашиглуулах болон түүнтэй холбогдсон бусад харилцааг эрх бүхий байгууллагаас зохицуулахдаа Газрын тухай хууль, бусад холбогдох хууль, тогтоомжийг хэрэгжүүлсэн эсэхийг шалгаж дууссан ба аудитын тайланг Монгол Улсын Ерөнхий аудиторын 2013 оны 11 дүгээр сарын 8-ны өдрийн 190 дүгээр тушаалаар баталгаажуулж, холбогдох газарт хүргүүлсэн.

МУ-ын Ерөнхий аудиторын 2009 оны 9 дүгээр сарын 08-ны өдрийн 91 дүгээр тушаалын нэгдүгээр хавсралтаар батлагдсан “Үндэсний аудитын газрын архивын дүрэм”-н дагуу аудитын ажлын баримтыг хадгаламжийн нэгж болгон бүрдүүлсэн.

1.4. Монгол Улсын Ерөнхий аудиторт Үндэсний аудитын газраас 2013 онд нийлүүлэх бүтээгдэхүүн, ажил, үйлчилгээний төлөвлөгөөг үндэслэн Төрийн аудитын тухай хуулиар тодорхойлсон Үндэсний аудитын газрын бүрэн эрхийн хүрээнд “Цэвэр агаар сангийн 2011-2013 оны оны үйл ажиллагааны хэрэгжилт”-д хийх аудитыг Нийцлийн аудитын газрын ахлах аудитор Б.Болормаа, аудитор Э.Уяанга, туслах аудитор Х.Энх-Амгалан нар гүйцэтгэж байна. Аудитын зорилтын хүрээнд дараах чиглэлээр хийж байна. Үүнд:

• Цэвэр агаар сангийн үндсэн чиг үүргийн хэрэгжилт хангалттай байгаа эсэх;
• Худалдан авах ажиллагааг зохих хууль тогтоомжийн дагуу зохион байгуулж, хэрэгжүүлсэн эсэх

Аудитын тайлагналын үе шатны ажлууд хийгдэж байна.

Хоёр.Удирдлагад үзүүлсэн үйлчилгээний талаар

2.1. Газрын зєвлєгєєнд тогтмол оролцож, ҮАГ-ын удирдлагын зєвлєлєєр өгсөн үүрэг даалгаврын хэрэгжилтийг удирдлагад цаг тухайд танилцуулж байгаа.

2.2. Нийцлийн аудитын газарт ирүүлсэн албан тоотын хариуг цаг хугацаанд нь боловсруулж, хариу өгч шийдвэрлэв.

Гурав.Цаг ашиглалтын талаар

3.1. Ажлын цагийг үр бүтээлтэй ашиглах, цаг ашиглалтын талаарх журам, зааврыг баримтлан ажиллахад анхаарч, сар бүр ажилтнуудын цагийн бүртгэлийг хөтөлж, хянуулан Захиргаа үйлчилгээний газарт өгч хэвшсэн. Мөн гадуур ажлын бүртгэлийг хөтлөж хэвшсэн.

Дөрөв.Цаашид анхаарах асуудлууд:

Доорх асуудалд ажилтнууд анхаарч ажиллахыг санал болгож байна. Үүнд:

4.1Аудитын үр өгөөжийн төлөвлөлт, бүртгэл, тайлагналыг бүрэн дүүрэн боловсруулж, баталгаажуулж байх.

4.2.Удирдлагаас өгсөн үүрэг даалгаврын биелэлт, ажлын тайлан, мэдээний биелэлтийг цаг хугацаанд  гаргаж байх.

4.3. Өнөөгийн нөхцөлд өдөр тутмын хэрэглэдэг хүнс, унааны үнэ, хөлс байнга өсч байгаатай холбогдуулан байгууллагын дотоод журамд унаа, хоолны мөнгийг нэмэгдүүлэх арга хэмжээ авах хэрэгтэй байна.

Мэдээлэл бэлтгэсэн:

Ахлах аудитор
Б.Болормаа

2013.12.12
Улаанбаатар хот