2015 ОНЫ ХАСХОМ МЭДҮҮЛЭХТЭЙ ХОЛБОГДУУЛАН ҮНДЭСНИЙ АУДИТЫН ГАЗРЫН АЖИЛТАН АЛБАН ХААГЧДАД СУРГАЛТ ЗОХИОН БАЙГУУЛЛАА
11:00 01 сарын 12 өдөр 2016 он
Үндэсний аудитын газрын нийт ажилчдын хүрээнд хувийн ашиг сонирхол, хөрөнгө орлогын мэдүүлгийг мэдүүлэхэд анхаарах асуудлын талаар сургалт зохион байгууллаа. Тус сургалтанд АТГ–ын хяналт шинжилгээ үнэлгээний хэлтсийн ажилтан Н.Мөнхбаяр оролцлоо.
Уг сургалтын зорилго нь Авлигын эсрэг болон нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, албан тушаалтны хувийн ашиг сонирхлын мэдүүлэг болон хөрөнгө, орлогын мэдүүлгийн маягт, түүнийг бүртгэх, хянах, хадгалах, авлигын эсрэг хууль тогтоомжийг сурталчлах, мэдүүлгийг бүртгэх, хянах, хадгалах эрх бүхий албан тушаалтны үйл ажиллагаанд дэмжлэг үзүүлэх, зөвлөмж өгөхөд оршино.
