Өвөрхангай аймаг- Төсвийн байгууллагын нягтлан бодогчидод сургалт явуулж, итгэмжлэлийг гардууллаа
Өвөрхангай аймгийн Аудитын газраас 19 сумын төсвийн байгууллагын нягтлан бодогчидод 2015 оны санхүүгийн тайланд аудит хийх товч танилцуулга, цаашид анхаарах зүйлсийн талаар сургалт зохион байгууллаа.
Мөн сургалтын үеэр Монгол улсын ерөнхий аудиторын 2015 оны 09 дүгээр сарын 29 ны өдрийн 240 дүгээр тушаалаар батлагдсан “ Санхүүгийн тайлангийн аудитад итгэл үзүүлэхэд баримтлах журам”-ын дагуу нягтлан бодох бүртгэл хөтлөлт, дотоод хяналт сайтай нь тогтоогдож 2012-2014 онуудад жил дараалан санхүүгийн тайлангийн аудитаар зөрчилгүй санал дүгнэлт авсан Арвайхээр сумын 1 дүгээр цэцэрлэг, Арвайхээр сумын ИТХурал, Баянгол сумын ЗДТГазар, Гучин-Ус сумын ЗДТГазар, Өлзийт сумын ЕБСургууль, Өлзийт сумын ЭМТөв, Сант сумын ЭМТөв, Хайрхандулаан сумын ЕБСургууль, Хужирт сумын 2 дугаар цэцэрлэг, Хужирт сумын ЭМТөв, Хархорин сумын 3 дугаар сургууль гэсэн 11 байгууллагын нягтлан бодогч нарт ИТГЭМЖЛЭЛ бичгийг гардууллаа.
