Монгол Улсын Үндэсний аудитын газар болон БНХАУ-ын Үндэсний аудитын газар хооронд байгуулсан Харилцан ойлголцлын санамж бичгийн хүрээнд Үндэсний аудитын газрын Аудитын нэгдсэн удирдлага, зохицуулалтын газрын захирал, тэргүүлэх аудитор Ц.Энхжавхлан тэргүүтэй төлөөлөгчид БНХАУ-ын Нанжин хот дахь Аудитын академид зохион байгуулагдсан “Барилга, байгууламж болон зам гүүрийн ажилд бодит цагийн аудит хийх нь” сэдэвт сургалтад оролцлоо.
Сургалтыг нээж БНХАУ-ын Үндэсний аудитын газрын Олон улсын хамтын ажиллагааны газрын орлогч дарга, хатагтай Гүө Жин, Нанжины Аудитын академийн захирал Цай Фөнг нар мэндчилгээ дэвшүүлж, сургалтын үйл ажиллагаанд амжилт хүссэн бол Монгол Улсын Үндэсний аудитын газрын Аудитын нэгдсэн удирдлага, зохицуулалтын газрын захирал, тэргүүлэх аудитор Ц.Энхжавхлан БНХАУ-ын Үндэсний аудитын газрын болон Аудитын академийн хамт олонд талархал илэрхийлсэн юм.
БНХАУ-ын Үндэсний аудитын газрын аудитын сайн туршлагыг өөрийн орны нөхцөл, байдалд нийцүүлэн ашиглахын тулд Үндэсний аудитын газрын аудиторуудыг танхимын сургалтаар мэргэшүүлэх, цаашид сургалтын сэдвийг өргөжүүлж, харилцан туршлага солилцох үйл ажиллагааг үе шаттайгаар зохион байгуулан ажиллах нь зүйтэй гэж сургалтын баг дүгнэв.
Үндсэн хуулийн өдрийг тохиолдуулан зохион байгуулсан танин мэдэхүйн АХА тэмцээнд нягтлан бодогч О.Мягмарсүрэн амжилттай оролцлоо.
Монгол Улсын Их Хурлын Тамгын газраас аймгийн иргэдийн Төлөөлөгчдийн Хурлын…
