mn

танилцуулга

ТОВЧ ТАНИЛЦУУЛГА

Говьсүмбэр аймгийн Аудитын газар нь 1995 онд Монгол Улсын Төрийн хяналт шалгалтын тухай хууль батлагдан гарснаар аймгийн Хянан шалгах хороо нэртэйгээр байгуулагдан, 2002 оныг дуустал үйл ажиллагаа явуулсан.

2003 оны 1 дүгээр сард Төрийн аудитын тухай хууль батлагдан гарч, аймгийн Хянан шалгах хорооны бааз суурин дээр аймгийн Аудитын газар байгуулагдан үйл ажиллагаагаа явуулж байна.

Аймгийн Аудитын газар байгуулагдсанаас хойш 11 жилийн дараа буюу 2014 оноос босоо тогтолцоонд шинжсэнээр Үндэсний аудитын газрын харъяа Говьсүмбэр аймгийн Аудитын газар, 2017 оноос Говьсүмбэр аймаг дахь Төрийн аудитын газар болгон нэрийг өөрчилсөн байна.

 

БҮТЭЦ, ЗОХИОН БАЙГУУЛАЛТЫН ТАЛААР:

2003 онд аймгийн ХШХ татан буугдаж, ХШХ-ны суурин дээр аймгийн Аудитын газрыг байгуулж 5 орон тоогоор ажиллуулах болсон бөгөөд аймгийн Аудитын газар нь 2007-2010 он хүртэл 6, 2010-2018 онуудад 7 орон тоотойгоор үйл ажиллагаагаа явуулж ирсэн байна.

Говьсүмбэр аймаг дахь Төрийн аудитын газар нь МУЕА-ын 2017 оны А/89 тоот тушаалаар баталсан бүтэц, орон тооны дагуу үндсэн 7 орон тоотой, гэрээт 1 ажилтан нийт 8 хүн ажиллаж байна. Үүнд: Дарга, тэргүүлэх аудитор-1, аудитын менежер-1, ахлах аудитор-1, аудитор-3, жолооч-1, гэрээт нягтлан бодогч, бичиг хэрэг-1 гэсэн ажилтнуудаас бүрдэж байна.

Тус байгууллагын ажилтнууд төрийн аудитын байгууллагад 3-20 жил тасралтгүй, тогтвор суурьшилтай ажиллаж байна. Нийт ажилчдын 7 нь нягтлан бодогч мэргэжилтэй бол тэдний 4 нь мэргэшсэн нягтлан бодогч, 3 нь Татварын мэргэшсэн зөвлөх, 1 нь хос мэргэжилтэй байна. Нийт ажиллагсдын 37.5% нь магистр, 50% нь бакалавр, 12.5% бүрэн дунд боловсролтой байна.

Ажиллагсдын хувьд дээд боловсролтой, ня-бо, эдийн засагч мэргэжилтэй, эрэгтэй 3, эмэгтэй 5, дундаж нас 38, Монгол Улсын мэргэшсэн нягтлан бодогч 4, Татварын мэргэшсэн зөвлөх 3, магистрын зэрэгтэй 3 ажилтан байна.

Хүний нөөцийн 5 буюу 62.5% нь аудитын үйл ажиллагааг, 3 буюу 37.5% нь удирдлага болон нийтлэг үйлчилгээний албаны ажил үүргийг гүйцэтгэж, дэвшүүлсэн зорилтыг хангалаа.

Говьсүмбэр аймаг дахь Төрийн аудитын газар нь санхүүгийн болон гүйцэтгэл, нийцлийн аудитуудыг хийж гүйцэтгэдэг бөгөөд орон тооны хязгаарлагдмал байдлаас шалтгаалан аудитын төрлөөр төрөлжсөн албаны зохион байгуулалтаар ажиллах боломжгүй байна.

Тус аймгийн хувьд жилдээ дунджаар нийт 100-115 аудитыг хийж гүйцэтгэдэг. Жилд нэг аудитор дунджаар 25-28 аудитыг хийж гүйцэтгэдэг.

Говьсүмбэр аймгийн хэмжээнд төсвөөс санхүүждэг, төрийн үйлчилгээ үзүүлдэг нийт 87 байгууллага үйл ажиллагаа явуулдаг бөгөөд 17311 хүн амд төрийн үйлчилгээг хүргэж байна.

Аудитын тайлан

Их уншсан