ТҮҮХЭН ТОВЧОО
УИХ-аас 1995 оны 05 дугаар сард “Төрийн хяналт шалгалтын тухай хууль”-ийг баталж, аймгуудад Хянан шалгах хороо байгуулах шийдвэр гаргасны дагуу Дорнод аймгийн ИТХ-ын тэргүүлэгчдийн 1995 оны 08 дугаар сарын 09-ний өдрийн хуралдаанаар Раднаа овогтой Ренчинбямбыг Хянан шалгах хорооны даргаар томилж, хянан шалгах хороо нь хорооны дарга, ахлах хянан байцаагч, жолооч гэсэн 6 орон тоотой ажиллаж эхэлсэн. УИХ “Төрийн аудитын тухай хууль”-ийг батлан төрийн хяналт шалгалтын тогтолцоог өөрчилж, шинэ тогтолцоонд шилжүүлснээр 2003 оны 1 дүгээр сард аймгийн Аудитын газар болж зохион байгуулагдсан.
Аймгийн Иргэдийн Төлөөлөгчдийн Хурлын тэргүүлэгчдийн 1995 оны 10 дугаар сарын 13-ны өдрийн 13 дугаар тогтоолоор Л.Түвдэнням, С.Батжаргал, С.Пүрэвжав, Б.Цэрэндорж нар Хянан шалгах хорооны гишүүдээр томилогдож байжээ.
Аймгийн Иргэдийн Төлөөлөгчдийн Хурлын тэргүүлэгчдийн 1997 оны 4 дүгээр сарын 12 дугаар тогтоолоор Ц.Бадамжав, Б.Жанлавцогзол, 2001 оны 10 дугаар сарын 05-ны өдрийн 92 дугаар тогтоолоор М.Намжилдорж, Ц.Жанлав, С.Вандансүрэн нар Хянан шалгах хорооны гишүүнээр тус тус томилогдож байжээ.
Улсын их хурал “Төрийн аудитын тухай хууль”-ийг батлан төрийн хяналт шалгалтын тогтолцоо өөрчлөгдөж, шинэ тогтолцоонд шилжүүлснээр 2003 оны 01 дүгээр сард аймгийн Аудитын газар болж зохион байгуулагдсан. Монгол Улсын Ерөнхий аудиторын 2003 оны 2 дугаар сарын 18-ны өдрийн 30 дугаар тушаалаар Н.Дашнямыг Ерөнхий аудитораар томилсон байна.
Дорнод аймгийн Ерөнхий аудитораар Н.Дашням, ахлах аудитораар Д.Жамсран, шинжээчээр Б.Жанлавцогзол, Д.Оюун, жолоочоор Ч.Алтангэрэл нар томилогдон ажиллаж байжээ.
Тус газарт Д.Чулуунболд 2004-2007 онд аудитор, Т.Бямбасүрэн 2009-2013 онд шинжээч, аудитор, аудитын менежер, Ч.Баярболд 2009-2011 онд ахлах аудитор, аудитын менежер, Б.Дэлгэрмаа 2011-2021 онд аудитор, аудитын менежер, В.Цэнгэлмаа 2012-2020 онд аудитор, аудитын менежер, Ц.Гансүх 2010-2015 онд шинжээч, Ж.Баяртуул 2012-2021 онд шинжээч, аудитор, ахлах аудитор, С.Бямбаа 2018-2019 онд нягтлан бодогч, бичиг хэргийн ажилтан, П.Золбаяр 2016-2018 онд жолооч, нярваар тус тус ажиллаж байжээ.
Монгол Улсын Ерөнхий аудиторын 2009 оны 32 дугаар тушаалаар хуульд заасан бүрэн эрхийн хугацаа дууссан тул Н.Дашнямыг ажлаас нь чөлөөлөн, Монгол Улсын Ерөнхий аудиторын 2009 оны 33 дугаар тушаалаар Л.Түвдэннямыг аймгийн Ерөнхий аудитораар томилсон байна.
ЭРХЭМ ЗОРИЛГО
Дорнод аймаг дахь Төрийн аудитын газар нь 2023 онд Монгол Улсын Ерөнхий аудиторын баталсан “Аудитын шийдвэрийн хэрэгжилт, түүний үр нөлөө, ил тод, хариуцлагатай байдлыг сайжруулах” гэсэн зорилтын хүрээнд ажиллаж байна.
БАЙГУУЛЛАГЫН ҮЙЛ АЖИЛЛАГАА
УИХ-ын Төсвийн байнгын хорооны 2017 оны 01 дүгээр тогтоолоор Аудитын байгууллагын бүтцэд шинэчлэл, өөрчлөлт хийгдсэнээр МУЕА-ын 2017.04.07-ны өдрийн А/59 дүгээр тушаалаар Дорнод аймаг дахь Төрийн аудитын газар болгон өөрчлөгдсөн байна.
Дорнод аймаг дахь Төрийн аудитын газар нь Монгол Улсын Ерөнхий аудиторын 2021 оны 01 дүгээр сарын 06-ны өдрийн А/02 дугаар тушаалаар баталсан Дарга, тэргүүлэх аудитор, Аудитын менежер, Аудит хариуцсан нэгжийн 3 ахлах аудитор, 6 аудитор, Дэмжих үйлчилгээний нэгжид жолооч, нярав гэсэн зохион байгуулалтаар үйл ажиллагаа явуулж байна.
Дарга, тэргүүлэх аудитораар Б.Болортуул, Аудитын менежерээр И.Сэмжидмаа, Аудитын нэгдүгээр багийн ахлах аудитораар Д.Нармандах, аудитораар Б.Одхүү, Б.Оюунхэрлэн, Аудитын хоёрдугаар багийн ахлах аудитораар Я.Зориг, аудитораар С.Энхбаатар, Ч.Удвал-Норов, Аудитын гуравдугаар багийн ахлах аудитораар Б.Батжаргал, аудитораар М.Ухаанбилэг, эрх зүйч аудитораар М.Ганбилэг, Нярав, жолоочоор З.Шинэхүү нар ажиллаж байна.
Албан хаагчдын дундаж нас 39, боловсролын түвшний хувьд Эдийн засгийн ухааны доктор 1, Эдийн засгийн ухааны магистр 1, Хууль зүйн магистр 1, Бизнесийн удирдлагын магистр 3, бакалавр 12, үүнээс хугацаагүй эрхтэй Мэргэшсэн нягтлан бодогч 4, Аудит ба Баталгаажуулах үйлчилгээ эрхлэх эрх бүхий аудитор 4, сургагч багш 1, IT мэдээлэл технологийн чиглэлээр мэргэшсэн 1, хүний нөөц, төслийн удирдлагаар мэргэшсэн 1 албан хаагч тус тус ажиллаж байна. Мөн бизнесийн удирдлагын магистраар 1, хууль эрх зүйч 1 суралцаж байна.
Байгууллагын стратеги төлөвлөгөөний дагуу ТАБ-т мөрдөгдөх хууль, тогтоомжийн хэрэгжилтийг бүрэн хангах, мэргэжлийн тасралтгүй сургалтын чанарыг сайжруулах, аудитын арга зүй, олон улсын стандарт, тэргүүний туршлагыг нэвтрүүлэх, аудитын чанарын хяналтыг төлөвшүүлэх, манлайлал, соёл, ёс зүй, хариуцлагын зөв орчин бүрдүүлж хөгжүүлэх, ажилтнуудын мэргэжил, мэдлэгээ дээшлүүлэх орчныг бүрдүүлэх, байгууллагын үйл ажиллагаанд мэдээлэл, технологийг нэвтрүүлэх, аудитын үр дүнг дэмжих зөвлөгөө, туслах үйлчилгээг сайжруулах, орон нутгийн төр захиргааны байгууллага болон төсөвт байгууллагуудтай харилцах харилцааг сайжруулах зэрэг зорилтот ажлуудыг хэрэгжүүлж байна.
