Төрийн аудитын байгууллагын
шийдвэрийн хэрэгжилтийг үр нөлөөг нэмэгдүүлэх мөн Төрийн аудитын үйл
ажиллагаанд харилцагч талуудын оролцооны стратегийг хэрэгжүүлэх зорилгоор
Хөвсгөл аймаг дахь Төрийн аудитын газрын дарга, Тэргүүлэх аудиторын баталсан
төлөвлөгөө, хөтөлбөрийн хүрээнд уулзалт, хэлэлцүүлгийг 2025 оны 12 дугаар сарын
26-ны өдөр аймгийн ИТХ-ын “Иргэний танхим”-д зохион байгууллаа.
Хэлэлцүүлэгт Хөвсгөл аймгийн
Прокурорын газар, аймгийн Засаг даргын тамгын газрын Хууль эрх зүйн хэлтэс,
Хөвсгөл аймаг дахь Төрийн албаны салбар зөвлөл, Санхүүгийн хяналт, дотоод
аудитын газар оролцлоо.
Хэлэлцүүлгээр “Төрд
учирсан хохирлыг нөхөн төлүүлэхэд харилцагч байгууллагуудын уялдаа”, “Төр, нийтийн ашиг
сонирлыг хамгаалах” сэдвээр илтгэл хэлэлцүүлж илтгэлийн хүрээнд бодит кэйс /жишээ/
дээр харилцан санал солилцлоо.
Хэлэлцүүлгийн үр дүн: Төрд учирсан хохирлыг барагдуулах
чиг үүргийг хэрэгжүүлэгч байгууллагууд уялдаа холбоотой хамтран ажиллаж,
мэдээллийг шуурхай солилцох, хохирол барагдуулалтын ажлыг эрчимжүүлэн дараах
ажлыг зохион байгуулахаар харилцан санал нэгдлээ. Үүнд:
1. Төрд учирсан хохирлын нэгдсэн
мэдээллийн “Data”-г цахимд файлаар байршуулан эрх бүхий байгууллагаас хандаж тухайн
мэдээллийн баяжилтыг тухай бүр хийж ажиллах.
2. Төрд учирсан хохиролтой холбоотой
мэдээллийн баяжилтыг байгууллагууд 2026 оны 01 дүгээр сард багтаан хэрэгжүүлэх.
3. Төрд учирсан хохирлын барагдуулалтын талаарх уулзалтыг улирал тутам зохион байгуулж үр дүнг тооцох. Аймгийн Прокурорын байгууллагаас 2026 оны 4 дүгээр сард зохион байгуулах.
