Төрийн аудитын байгууллага нь төрийн санхүү, төсөв, хөтөлбөр, төсөл, арга хэмжээ, эргэн төлөгдөх нөхцөлөөр ашиглуулах үйл ажиллагаа, хувьчлал, дуудлага худалдаа, техник, эдийн засгийн үндэслэл, хөрөнгө оруулалт, худалдан авах ажиллагаа, зээллэг, гадаад зээл, тусламж, хандив, санхүүгийн дэмжлэг, өрийн баталгаа, үнэт цаас, бүх төрлийн гэрээ, хэлцэл болон бусад аливаа үйл ажиллагааны төлөвлөлт, гүйцэтгэл, ашиглалт, зарцуулалт, хэрэгжилт, тайлагнал болон нийтийн өмчтэй холбоотой бүх үйл ажиллагаанд төрийн аудит хийх чиг үүргийг хэрэгжүүлдэг.

ЭРХЭМ ЗОРИЛГО  

Төрийн санхүү, төсвийн хяналтыг хараат бусаар хэрэгжүүлж, аудитын үр дүнгээр иргэдийн амьдралд эерэг нөлөө үзүүлнэ. 

Үнэт зүйлс: 

·         Хараат бус бие даасан байх

·         Хариуцлагатай, ил тод, найдвартай байх 

·         Ёс зүй, шударга байдлыг эрхэмлэх 

  ТЭРГҮҮЛЭХ ЧИГЛЭЛ 

·         Төрийн аудитад итгэх иргэдийн итгэлийг нэмэгдүүлж, төрийн аудитын үр нөлөөг дээшлүүлнэ. 

·         Төрийн аудитыг чанарын өндөр түвшинд гүйцэтгэж, төрийн үйл ажиллагааны болон төсөв, санхүүгийн хариуцлагатай, ил  тод шударга байдлыг бэхжүүлнэ. 

·         Мэргэшсэн, чадварлаг, ил тод, үр нөлөөтэй Аудитын дээд байгууллага байна.  

ТӨРИЙН АУДИТЫН БАЙГУУЛЛАГЫН СТРАТЕГИ (2025-2030)

Монгол Улсын тогтвортой хөгжлийн бодлого, зорилтуудыг хэрэгжүүлэхэд чиглэсэн эдийн засаг, нийгмийн үр нөлөөтэй төрийн аудитыг гүйцэтгэж, арга зүй, технологи, үйл ажиллагаагаар манлайлагч Аудитын дээд байгууллага болно.