Хөвсгөл аймагт үйл ажиллагаа явуулж буй улс, орон нутгийн төсвийн
байгууллагын 2025 оны жилийн эцсийн санхүүгийн тайлан, төсвийн гүйцэтгэлд
дүгнэлт өгөх санхүүгийн тайлангийн аудитыг гэрээгээр гүйцэтгэх аудитын хуулийн
этгээдүүдтэй уулзалт, ярилцлагыг 2026 оны 01 дүгээр сарын 12-ны өдөр “Иргэний
танхимд зохион байгууллаа.
Улс, орон нутгийн төсвийн байгууллагын 2025 оны санхүүгийн тайланд
завсрын аудитын үр дүн, аудитын төлөвлөлтийн шатанд гарах нийтлэг асуудлууд,
гүйцэтгэлийн шатанд анхаарах зарим асуудлуудыг ярилцаж тодорхой үүрэг чиглэл
өгч, Төрийн аудитын байгууллагаас санхүүгийн тайлангийн аудитад баримтлах
ерөнхий бодлого, чиглэл, анхаарах асуудал, цахим систем (Fas.audit.mn) хөтлөлт
мөн Төрийн хэмнэлтийн тухай хууль, Шилэн дансны тухай хуультай холбоотой зарим
асуудалд дээр санал солилцлоо.
Мөн Төрийн аудитын байгууллагаас баримталж байгаа бодлого, стратеги
төлөвлөгөөг танилцуулж, "Төрийн аудитын байгууллагын харилцагч талуудын
оролцоог хангах бодлогын баримт бичигт заасны дагуу аудитын үйл ажиллагаанд
оролцож байгаа аудитын хуулийн этгээдэд стандарт, ёс зүй, чанарын хяналтын
сэдвээр сургалт, хэлэлцүүлэг зохион байгууллаа.
Уулзалт, хэлэлцүүлэгт Хөвсгөл аймаг дахь Төрийн аудитын газрын дарга, тэргүүлэх аудитор А.Эрдэнэбаатар, аудитын менежер Б.Тэгшдэлгэр, ахлах аудитор, аудиторууд, “Хаан соёмбо аудит” ХХК, “Бэйкер Тилли Далайван аудит” ХХК, “Си Пи Ти Ай” ХХК, Ихэр мөрөн аудит ХХК-ийн төлөөлөл тус тус оролцлоо.
