Үндэсний аудитын газар нь Төрийн аудитын тухай хуулийн 8 дугаар зүйлийн 8.1, 17 дугаар зүйлийн 17.1-т заасан бүрэн эрхийн хүрээнд, Улсын Их Хурлын Төсвийн байнгын хорооны 2025 оны “Аудитын сэдэв батлах тухай” 25 дугаар тогтоолыг үндэслэн Монгол Улсын Хөгжлийн банк болон түүний охин компани (Ди Би Эм лизинг ХХК, Ди Би Эм ассет менежмент ХХК)-ийн 2025 оны санхүүгийн тайланд аудит хийж, дүгнэлт гаргах, дүн шинжилгээ хийх хүсэлтэй иргэнийг саналаа ирүүлэхийг урьж байна.
Шинжээч нь Монгол Улсын холбогдох хууль тогтоомжийг үйл
ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн
болон чанарын өндөр түвшинд хийж, шаардлагатай судалгаа, шинжилгээ, тооцоо,
тайлан бусад ажлыг хугацаанд нь үнэн зөв, чанартай хэрэгжүүлэх үүрэг хүлээнэ.
Сонгон шалгаруулалтыг Монгол Улсын Ерөнхий аудиторын 2020
оны А/82 дугаар тушаалаар баталсан “Шинжээч сонгон шалгаруулах, гэрээ
байгуулах, дүгнэх, гүйцэтгэсэн ажлын чанарыг хянах журам”-ын дагуу зохион
байгуулна. Журмыг эндээс үзнэ үү.
Энэхүү сонгон шалгаруулах үйл ажиллагаа нь Төрийн аудитын
байгууллагатай гэрээний үндсэн дээр хамтран ажиллах дараах ажилд хамаарна.
Үүнд:
|
№ |
Шинжээч
ажиллуулбал зохих ажлын нэр |
Ажлын
даалгаврын дугаар |
|
1 |
Монгол
Улсын Хөгжлийн банк болон түүний охин компани (Ди Би Эм лизинг ХХК, Ди Би Эм
ассет менежмент ХХК)-ийн 2025 оны санхүүгийн тайланд аудит хийж, дүгнэлт
гаргах |
ҮАГ-АД/2026-02 |
Шинжээч нь дараах шаардлагыг хангасан байна. Үүнд:
·Нягтлан бодогч мэргэжилтэй;
· Мэргэшсэн нягтлан бодогчийн эрхтэй;
· Нягтлан бодох бүртгэлийн олон улсын стандартын зөвлөлөөс баталж гаргасан СТОУС-ын дагуу санхүүгийн жилийн үйл ажиллагааны үр дүн, мөнгөн гүйлгээг тайлагнах чадвартай байх;
· Банкны салбарт аудит хийж байсан туршлагатай байх;
· АОУС-ын дагуу санхүүгийн тайлангийн аудит хийсэн туршлагатай бол давуу тал болно;
· Мэргэжлийн гадаад хэлний мэдлэгтэй.
Бүрдүүлэх материал:
· Иргэний үнэмлэхийн хуулбар;
· Шинжээчийн анкет /CV/;
· Боловсролын зэргийн диплом;
· Мэргэшлийн гэрчилгээ, үнэмлэх, сертификатын хуулбар;
· Гүйцэтгэсэн ижил төстэй зөвлөх үйлчилгээний мэдээлэл /сүүлийн 3 жилээр/;
Сонирхож буй этгээд нь дээрх материалаас гадна Саналын баримт бичгийн дагуу материалаа бэлтгэн 2026 оны 01 дүгээр сарын 19-ний өдрийн 17 цаг 30 минут хүртэл /munkhtuyats@audit.gov.mn/ цахим хаягаар ирүүлнэ үү. Саналыг цахим pdf файлаар нэгтгэн /PDF файлыг 15MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ.
Хаяг:
Улаанбаатар хот, Чингэлтэй дүүрэг, Бага тойруу-3 Засгийн газрын IV байр 308 тоот,
Хууль, эрх зүй ил тод байдал хариуцсан албаны Ахлах шинжээч Ц.Мөнхтуяа
+976-51-261745, 92113939
