Төрийн аудитын тухай хуулийн 6 дугаар зүйлийн 6.3.1, 7 дугаар зүйлийн 7.1, 11 дүгээр зүйлийн 11.5 дахь зүйл, Монгол Улсын Ерөнхий аудиторын 2025 оны А/173 дугаар тушаалаар баталсан Нийслэл дэх Төрийн аудитын газрын 2026 онд гүйцэтгэх аудитын сэдвийг үндэслэн “Дүүргийн төсвийн 2025 оны хөрөнгө оруулалтын төлөвлөгөөний хэрэгжилт, үр дүн”-д хийх гүйцэтгэлийн аудитын нээлтийг 2026 оны 01 дүгээр сарын 23-ны өдөр хийлээ.
Аудитын нээлтэд НТАГ-ын Гүйцэтгэл, нийцлийн аудит хариуцсан ахлах менежер Ч.Болд, Гүйцэтгэлийн аудитын албаны ахлах аудитор Д.Дайриймаа, аудитор О.Оргил, Дүүргүүдийн Засаг даргын Тамгын газрын дарга болон холбогдох алба, хэлтсийн удирдлагууд оролцож, аудитаар Дүүргийн төсвийн хөрөнгө оруулалтаар 2025 онд хэрэгжүүлсэн төсөл арга хэмжээний төлөвлөлт, худалдан авалт, гэрээний хэрэгжилт, санхүүжилт, төсөл, арга хэмжээний хэрэгжилтийг хамруулахаар төлөвлөж, төлөвлөгөө хөтөлбөр болон анхаарах асуудлыг танилцууллаа.
