Хөвсгөл аймаг дахь Төрийн аудитын газар нь “Улс, орон нутгийн төсвийн 2025 оны хөрөнгө оруулалтын төлөвлөгөөний хэрэгжилт, үр дүн” аудитын нээлтийг аймгийн иргэдийн Төлөөлөгчдийн хурлын “Иргэний танхим”-д 2026 оны 02 дугаар сарын 05-ны өдөр зохион байгууллаа.

Хөвсгөл аймаг дахь Төрийн аудитын газрын аудитын менежер Б.Тэгшдэлгэр нээлтийн ерөнхий мэдээллийг, ахлах аудитор З.Даваадорж дэлгэрэнгүй мэдээллийг өгөхийн сацуу дараах зүйлсийг аудитад хамрагдагч талд санамж болгон танилцууллаа.

·         “Улс, орон нутгийн төсвийн 2025 оны хөрөнгө оруулалтын төлөвлөгөөний хэрэгжилт, үр дүн” аудитаар өмнөх аудитаар илэрсэн алдаа, зөрчлийг дахин давтан гаргасан тохиолдолд хуульд заасан авах арга хэмжээ авч ажиллах,

·         Өмнөх аудитаар өгсөн зөвлөмж, албан шаардлага, төлбөрийн актыг биелэлтийг газар дээр нь үзэж танилцаж хэрэв зөрүүтэй биелэлт ирүүлсэн бол арга хэмжээ авч ажиллах талаар танилцуулсан,

·         Аудитын баримт материалыг шаардсан цаг тухай бүрд ирүүлэн хамтран ажиллах.

            Аудитын нээлтэд аймгийн ИТХ-ын төлөөлөл, аймгийн Засаг даргын тамгын газрын Төрийн захиргаа удирдлагын хэлтэс, Санхүү төрийн сангийн хэлтэс, Бүс, орон нутгийн хөрөнгө оруулалт, бодлого төлөвлөлтийн хэлтэс, аймгийн Газрын харилцаа барилга хот байгуулалтын газар, Орон нутгийн өмчийн газар, Худалдан авах ажиллагааны газар, Санхүүгийн хяналт, дотоод аудитын газар, Мөрөн сумын Засаг даргын тамгын газар, Хөвсгөл барилга захиалагчийн хяналтын төвийн  төлөөллүүд зэрэг нийт 20 гаруй албан хаагч оролцлоо.

Аудитын нээлтээр аудит хамрагдаж буй салбар салбарын байгууллага улс, орон нутгийн төсвийн хөрөнгө оруулалтын төлөвлөлт, гүйцэтгэл, захиалагчийн хяналт, өмч хөрөнгийн бүртгэлтэй холбоотой асуудлаар харилцан санал солилцлоо.