Төрийн аудитын тухай хуулийн 6
дугаар зүйлийн 6.3.1-т заасан бүрэн эрхийн хүрээнд УИХ-ын Төсвийн байнгын
хорооны 2025 оны 25 дугаар “Аудитын сэдэв батлах тухай” тогтоолоор баталсан
Төрийн аудитын байгууллагын 2026 оны гүйцэтгэх аудитын сэдэв, МУЕА-ын 2026 оны
А/174 дугаар тушаалын хавсралтаар батлагдсан “Төрийн аудитын байгууллагын 2026
онд гүйцэтгэх аудитын жилийн төлөвлөгөө” үндэслэн нэгдсэн удирдамжаар гүйцэтгэж
буй “Шинэ хоршоо хөдөлгөөнд олгосон зээл, эргэн төлөлт, үр дүн”-д хийх аудитын нээлтийг 2026 оны 04 дүгээр сарын 24-ний өдөр
зохион байгууллаа.
Хөвсгөл аймгийн хувьд ХААН банк,
Төрийн банкаар дамжуулан 490 хоршооны 1634 малчинд 60.5 тэр бум төгрөг
олгогдсон байна.
Тус аудитын хүрээнд Төрөөс шинэ
хоршоо хөдөлгөөн өрнүүлэх чиглэлээр тодорхойлсон хөтөлбөр үр дүнтэй хэрэгжиж
байгаа эсэх, хоршоог хуульд заасан шаардлагын дагуу байгуулж, олгосон зээлийг
зориулалтын дагуу ашиглаж, үр дүнг тооцож байгаа эсэхэд дүгнэлт хийж, цаашид
хэрэгжүүлэх зөвлөмжийг боловсруулан хүргүүлэх зорилготой юм.
Аудитын нээлтийг Хөвсгөл аймаг
дахь Төрийн аудитын газрын аудитын менежер Б.Тэгшдэлгэр хийж, аудитын зорилго,
хамрах хүрээ, төлөвлөгөө, гүйцэтгэх хугацаа болон анхаарах асуудлын талаар
дэлгэрэнгүй танилцууллаа.
Аудитын нээлтэд Хөвсгөл аймаг дахь Төрийн аудитын газрын аудитын баг болон аймгийн Засаг даргын тамгын газрын Санхүү, төрийн сангийн хэлтэс, Улсын бүртгэлийн хэлтэс, Хүнс хөдөө аж ахуйн газар, Монгол банкны Хөвсгөл аймаг дахь салбар, Хаан банкны Хөвсгөл аймаг дахь салбар, Төрийн банкны Хөвсгөл аймаг дахь салбарын албан хаагчид оролцлоо.
