Аймгийн Санхүү, төрийн сангийн хэлтсээс Төрийн аудит, санхүүгийн хяналт шалгалт болон санхүүгийн чиглэлээр үйл ажиллагаа явуулж буй төрийн байгууллагуудтай хамтран нээлттэй хаалганы өдөрлөгийг 2026.05.06-ны өдөр зохион байгууллаа.
Нээлттэй хаалганы өдөрлөгт Татварын газар, Нийгмийн даатгалын хэлтэс Санхүүгийн хяналт, дотоод аудитын газар, Орон нутгийн өмчийн газар, Статистикийн хэлтэс зэрэг санхүүгийн чиглэлээр үйл явуулдаг төрийн байгууллагууд оролцож, САНХҮҮГИЙН ЗӨВЛӨГӨӨГ НЭГ ДОРООС уриан дор хамтран ажиллаж, зөвлөн туслах үйлчилгээг үзүүллээ.
Өдөрлөгийн хүрээнд Татварын мэргэшсэн зөвлөхийн нийгэмлэгээс сургалт мэдээлэл хийж, төрийн болон хувийн хэвшлийн удирдлага, санхүүгийн ажилтнууд хамрагдлаа.
Тус арга хэмжээнд Говьсүмбэр аймаг дахь Төрийн аудитын газраас байгууллагын үйл ажиллагаа, тайлант хугацаанд хийгдэж буй аудитын талаарх мэдээллийг танилцуулж, санхүүгийн ажилтнуудад тулгамдаж буй асуудлаар зөвлөн туслах үйлчилгээ үзүүллээ.
