Үндэсний аудитын газар нь Төсөл арга хэмжээний 6.3 дахь хэсэгт заасан бүрэн эрхийн хүрээнд УИХ-ын Төсвийн байнгын хорооны 2025 оны 25 дугаар тогтоолыг үндэслэн “Зээлийн хүүг бууруулах бодлого, стратегийн хэрэгжилт, үр дүн” сэдэвт аудитад Макро түвшний инфляцын нөлөө, зээлийн хүүг бууруулах, мөнгөний бодлогын хүүгийн шилжих нөлөөг олон улсын жишигтэй харьцуулсан судалгаа хийх, мэргэжлийн дүгнэлт гаргах, зорилгоор шинжээч сонгон шалгаруулж, зөвлөх үйлчилгээний гэрээ байгуулан хамтран ажиллахаар төлөвлөж байгаа тул зөвлөхийн үйлчилгээ үзүүлэх хүсэлтэй хувь хүн/баг, хуулийн этгээдийг саналаа ирүүлэхийг урьж байна.
Шинжээч нь Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж, шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв, чанартай гүйцэтгэх үүрэг хүлээнэ.
Сонгон шалгаруулалтыг Монгол Улсын Ерөнхий аудиторын 2020 оны А/82 дугаар тушаалаар баталсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу зохион байгуулна. Журмыг ЭНДЭЭС үзнэ үү.
Энэхүү сонгон шалгаруулах үйл ажиллагаа нь Төрийн аудитын байгууллагатай гэрээний үндсэн дээр хамтран ажиллах дараах ажилд хамаарна. Үүнд:
|
№ |
Шинжээч ажиллуулбал зохих ажлын нэр |
Ажлын даалгаврын дугаар |
Төсөвт өртөг /төг/ |
|
1 |
Зээлийн хүүг бууруулах
стратегийн хэрэгжилт, үр дүнг үнэлж, дүгнэлт гаргах шинжээчийн ажлын даалгавар Ажлын даалгаврыг ЭНДЭЭС үзнэ үү. |
ҮАГ-АД/2026-10 |
19,920,000.00 |
Мэдүүлгээ ирүүлж буй хувь хүн/баг, хуулийн этгээд нь дээрх зөвлөх үйлчилгээг гүйцэтгэхээ илэрхийлсэн албан хүсэлт ирүүлэхээс гадна дараах мэдээллийг ирүүлнэ. Үүнд:
Хуулийн этгээд бол:
• Улсын бүртгэлийн гэрчилгээний хуулбар;
• Татварын өргүй тухай тодорхойлолт/цахимаас татан авсан/;
• Нийгмийн даатгалын шимтгэлийн өргүй тодорхойлолт/цахимаас татан авсан/;
• Шүүхийн төрөлжсөн архивын тодорхойлолт;
• Ажилтны анкет, боловсрол, мэргэшлийн гэрчилгээний хуулбар, эдийн засаг, банк, санхүүгийн чиглэлээр магистр буюу түүнээс дээш зэрэгтэй байх, ажлын туршлагыг тодорхойлсон дэлгэрэнгүй намтар /багийн гишүүн тус бүрээр/;
• Ажилтны нийгмийн даатгалын цахим лавлагаа /сүүлийн 1 жилээр/;
• Сүүлийн 2 жилийн санхүүгийн тайлан, аудитын дүгнэлтийн хамт /2024, 2025 он/.
Хувь хүн/баг бол:
• Иргэний үнэмлэхийн хуулбар;
• Анкет /СV/, ажлын туршлагыг тодорхойлсон дэлгэрэнгүй намтар /багийн гишүүн тус бүрээр/
• Боловсрол, мэргэшлийн гэрчилгээний хуулбар, эдийн засаг, банк, санхүүгийн чиглэлээр магистр буюу түүнээс дээш зэрэгтэй байх;
• Багийн гишүүдийн хамтран ажиллах гэрээ /нотариатаар баталгаажуулах/.
Жич: Дээрх материалыг саналын баримт бичгийн хамт бэлтгэн ирүүлнэ үү. Саналын баримт бичгийг ЭНДЭЭС үзнэ үү.
Сонирхож буй хуулийн этгээд нь материалыг бэлтгэн 2026 оны 05 дугаар сарын 20-ны өдрийн 17 цаг 30 минут хүртэл /enkhtuyaj@audit.gov.mn/ цахим хаягаар ирүүлнэ үү. Саналыг цахим pdf файлаар нэгтгэн /PDF файлыг 15MB-аас ихгүй ирүүлэх ба файл заасан хэмжээнээс илүү гарсан бол файлыг хуваах/ ирүүлнэ.
Хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот, Захиргаа, санхүү, орон нутгийн үйл ажиллагаа хариуцсан албаны Ахлах шинжээч Ж.Энхтуяа.
Холбоо барих: +976-51-325093, 99309950
