1. Үндэсний аудитын газар нь “Газрын тосны салбарт бүтээгдэхүүн хуваах гэрээгээр хайгуул болон олборлолтын үйл ажиллагаа явуулсан гэрээлэгчийн нийт хөрөнгө оруулалт, өртөг нөхсөн болон нөхөх зардлын хэмжээ, газрын тосны экспорт, борлуулалтын орлогын тооцоо, хуваарилалтад баталгаажуулалт хийх аудит”-д зөвлөх үйлчилгээ үзүүлж, дүгнэлт гаргах хүсэлтэй аудитын хуулийн этгээдийг санал /Багц тус бүрт ирүүлж болно/-аа ирүүлэхийг урьж байна.

2. Шинжээчээр ажиллах аудитын хуулийн этгээд нь Ашигт малтмал, газрын тосны газраас Газрын тосны тухай хуулийн 37 дугаар зүйлийн 37.1-д заасны дагуу гэрээлэгчийн 2024 оны хайгуулын болон олборлолтын үйл ажиллагаанд хяналт, шалгалт хийж тайлан, дүгнэлт ирүүлсэн тухайн үед тэдгээрт үндэслэн дараах үйл ажиллагааг хамруулан аудитад зөвлөх үйлчилгээг үзүүлж шинжээчийн дүгнэлт гаргана. Үүнд:

3. Шинжээчээр ажиллах аудитын хуулийн этгээд нь гэрээ байгуулагдсан өдрөөс эхлэн 2026 оны 12 дугаар сарын 10-ны дотор ажлыг гүйцэтгэх бөгөөд Ашигт малтмал, газрын тосны газраас хайгуулын үйл ажиллагаа явуулсан гэрээлэгчдэд хяналт, шалгалт хийж тайлан, дүгнэлт ирүүлснээс шалтгаалж хугацааг сунгаж болно.

Шинжээчээр ажиллах аудитын хуулийн этгээд нь Монгол Улсын холбогдох хууль тогтоомжийг үйл ажиллагаандаа мөрдлөг болгон гэрээ, ажлын даалгаварт заасан ажлыг мэргэжлийн болон чанарын өндөр түвшинд хийж, шаардлагатай судалгаа, шинжилгээ, тооцоо, тайлан бусад ажлыг хугацаанд нь үнэн зөв, чанартай хэрэгжүүлэх үүрэг хүлээнэ.

Сонгон шалгаруулалтыг Монгол Улсын Ерөнхий аудиторын 2020 оны А/82 дугаар тушаалаар баталсан “Шинжээч сонгон шалгаруулах, гэрээ байгуулах, дүгнэх, гүйцэтгэсэн ажлын чанарыг хянах журам”-ын дагуу зохион байгуулна. Журмыг ЭНДЭЭС үзнэ үү.

4. Сонгон шалгаруулалтад оролцох хүсэлтэй шинжээчээр ажиллах аудитын хуулийн этгээдэд тавигдах шаардлага: Үүнд:

- Баталгаажуулалт, аудит, нягтлан бодох бүртгэл, зөвлөх үйлчилгээ үзүүлэх тусгай зөвшөөрөлтэй байх;

- Аудиторууд нь мэргэжлийн ёс зүйн зөрчилгүй байх;

- Үйл ажиллагаа явуулах ажлын байр, техникийн хэрэгсэлтэй байх;

- Англи, Хятад зэрэг гуравдагч орны хэл дээр үйлдэгдсэн санхүүгийн анхан шатны материалыг Монгол хэл рүү хөрвүүлж ашиглах чадвартай байх;

- Аудитын багийн гишүүд нь үйлчлүүлэгчийн эрх бүхий аль нэг албан тушаалтантай холбоо хамааралгүй байх;

- 4-өөс доошгүй үндсэн орон тооны мэргэшсэн нягтлан бодогчтой байх;

- Аудитын байгууллагад ажилладаг мэргэшсэн нягтлан бодогч өөр байгууллагад давхар ажил эрхлэх, бусад аудитын хуулийн этгээдэд гэрээгээр ажилладаггүй байх;

- Гэрээгээр гүйцэтгэж байсан бусад ажлын жагсаалт;

Бүрдүүлэх материал:

- Улсын бүртгэлийн гэрчилгээний хуулбар;

- Тусгай зөвшөөрлийн гэрчилгээний хуулбар;

- Татварын тодорхойлолт /цахим/ ;

- Нийгмийн даатгалын тодорхойлолт /цахим/;

- ШШГЕГ-ын хугацаа хэтэрсэн өр төлбөргүй талаарх тодорхойлолт;

- Шүүхийн төрөлжсөн архивын тодорхойлолт ;

- ММНБИ-ын тодорхойлолт ;

- Гүйцэтгэсэн адил төсөөтэй зөвлөх үйлчилгээний мэдээлэл /сүүлийн 3 жилээр/;

- Үндсэн ажилтны анкет, боловсрол, мэргэшлийн гэрчилгээний хуулбар;

- Үндсэн ажилтны нийгмийн даатгалын цахим лавлагаа /сүүлийн 1 жилээр/;

- Санхүүгийн тайлан /сүүлийн 2 жилээр/;

5. Сонирхсон этгээд нь холбогдох материалыг бэлтгэн файл хэлбэрээр enkhtuyaj@audit.gov.mn цахим хаягаар 2026 оны 05 дугаар сарын 29-ний өдрийн 17:30 цагаас өмнө ирүүлнэ үү.

Захиалагчийн хаяг: Улаанбаатар хот, Чингэлтэй дүүрэг, Бага тойруу-3 Засгийн газрын IV байр 305 тоот, Захиргаа, санхүү, орон нутгийн үйл ажиллагаа хариуцсан албаны Ахлах шинжээч Ж.Энхтуяа.

Холбоо барих: 976-51-325093, 99309950