Монгол Улсын Ерөнхий Аудитор Д.Загджав Оросын Холбооны Улсаас Монгол Улсад суугаа Онц бөгөөд Бүрэн эрхт Элчин сайд А.Н.Евсиковыг 2024 оны 11 дүгээр сарын 08-ны өдөр хүлээн авч уулзав.
Уулзалтаар Ерөнхий Аудитор Д.Загджав Оросын Холбооны Улстай хөгжүүлж буй “Иж бүрэн стратегийн түншлэл”-ийн харилцаа бүхий л салбарт гүнзгийрэн хөгжиж буйд сэтгэл өндөр байгаагаа илэрхийлээд цаашид Монгол Улсын Үндэсний аудитын газар болон Оросын Холбооны Улсын Тооцооны танхимын хооронд байгуулсан “Хамтран ажиллах тухай хэлэлцээр”-ийн хүрээнд Аудитын Дээд Байгууллагуудын хамтын ажиллагааг хөгжүүлэх чиглэлд хамтран ажиллах тухайгаа онцгойлон тэмдэглэв.
Элчин сайд А.Н.Евсиков хоёр орны найрсаг харилцааг өргөжүүлэн хөгжүүлэх хүрээнд Аудитын Дээд Байгууллагуудын үйл ажиллагаанд бүхий л талын дэмжлэг үзүүлэн хамтран ажиллахаа мэдэгдэв.
