Төрийн аудитын байгууллагын Ёс зүйн дэд хороо хуралдаж, 2025 оны үйл ажиллагааны болон сургалтын төлөвлөгөөний нэгдүгээр улирлын хэрэгжилтээ хэлэлцлээ.
Энэ оны нэгдүгээр улирлын байдлаар төлөвлөгөө 83 хувьтай хэрэгжсэн байна. Харин хэрэгжилт хангагдаагүй болон хангалтгүй гүйцэтгэлтэй арга хэмжээ, тэдгээрийн шалтгаан, нөхцөл байдлыг тодорхойлов.
Улмаар дараагийн улиралд хэрэгжилтийг хангахад дэд хорооны гишүүд хариуцлагатай хандах, албан хаагчдыг ёс зүйн зөрчлөөс урьдчилан сэргийлэх, соён гэгээрүүлэх чиглэлд онцгой анхаарал хандуулж ажиллах шийдвэр гаргалаа.
Цаашид нийт албан хаагчдад зохион байгуулах ёс зүйн сургалтуудын чиглэлийг тодорхой болгож, цаг хугацаанд нь зохион байгуулах, дэд хорооны гишүүдийг төрийн албан хаагчийн ёс зүйн чиглэлээр чадавхжуулахад онцгой анхаарч ажиллахыг Ёс зүйн дэд хорооны дарга Ц.Наранчимэг үүрэг болголоо.
