Жил бүр уламжлал болон зохион байгуулагддаг “Улсын Их Хурлын шилжин явах цом 2025” тэмцээн спортын таван төрлөөр болж, аваргуудаа тодрууллаа. Тус тэмцээнд Ерөнхийлөгчийн Тамгын газар, Улсын Их Хурлын Тамгын газар, Засгийн газрын ХЭГ, Үндэсний аудитын газар, Монголбанк, Авилгатай тэмцэх газар, Үндэсний статистикийн хороо, Санхүүгийн зохицуулах хороо, Сонгуулийн ерөнхий хороо, Хүний эрхийн үндэсний комисс, Төрийн албаны зөвлөл, Шүүхийн ерөнхий зөвлөл, Шүүхийн сахилгын хороо зэрэг нийт 13 байгууллагын баг, тамирчид шатар, сагсан бөмбөг, гар бөмбөг, дартс болон хөдөлгөөнт буудлага зэрэг таван төрөлд хурд хүч, авхаалж самбаагаа сорин өрсөлдөв.
Үндэсний аудитын газрын баг, тамирчид энэхүү тэмцээнд амжилттай оролцож, гар бөмбөгийн төрөлд эмэгтэй баг алт, эрэгтэй баг мөнгөн медаль хүртэв. Харин сагсан бөмбөгийн төрөлд эрэгтэй, эмэгтэй баг хоёул мөнгөн медалийн эзэд болсон юм. Улмаар бусад төрлийн спортод үзүүлсэн амжилтын оноогоор Үндэсний аудитын газар Тэргүүн байр эзэлж, “Улсын Их Хурлын шилжин явах цом 2025”-ын эзэн багаар тодорлоо.
